MAY inamin ang Kapamilya broadcaster na si Karen Davila patungkol sa kanilang relasyon ng isa pang beteranong news anchor na si Korina Sanchez.
Nakapanayam kasi ng isang showbiz vlogger ang broadcaster-vlogger patungkol sa naging kauna-unahan niyang panayam kay Korina sa TV show nitong “Korina Interviews” na talaga namang umani ng iba’t ibang reaksyon mula sa madlang pipol.
Pag-amin ni Karen, “God’s perfect timing” ang naturang interview niya sa asawa ni dating Sen. Mar Roxas.
Dagdag pa niya, alam naman niya na marami ang nagsasabing masyadong “plastic” ang kanilang pag-uusap.
“In social media they would say, ang pa-plastik niyo, ‘di ba… ang fake n’yo… But you know, I’d like to say from the bottom of my heart that interview with Korina was really in God’s good and perfect time,” pagbabahagi ni Karen.
Kuwento pa niya, kahit matagal na silang magkakasama noon sa ABS-CBN network ay hindi talaga sila magkaibigan. Hindi rin daw sila nag-uuusap at hindi rin nagkasama sa programa.
“Yes, Korina and I… Ayaw ko namang magpakaplastik, we were not friends. We didn’t have the opportunity in ABS-CBN to sit together, to talk with each other. And for whatever reason it was, we were both busy, the competition is too much. ABS was a very competitive environment. And I think everybody who would see this would know that, right?
“But to me, to meet Korina when she came to the house. I would already see Korina in Socials because we have the same set of friends, but really napakagaan. Bakit ganon? Because it is in God’s perfect time,” lahad ni Karen.
Kahit na ganoon ay mukhang hindi pa naman huli ang lahat para may mabuong magandang samahan sa pagitan ng dalawa.
Sa katunayan, bagamat wala pang petsa ay muling magkakasama ang dalawa sa isang vlog ni Karen gaya nang naipangako noon ni Korina.
Related Chika:
Karen kay Korina: Kailanman hindi po kami nagpantay…
Karen Davila, pamilya tinamaan na rin ng COVID-19: We are recovering quite well
Karen binasag ang basher na nagsabing wala siyang ginawa kundi mag-travel: Get a life man!