Krimen sa bansa bumaba, pero bilang ng mga magnanakaw dumami

Photo from the PNP website

BUMABA ang naitalang krimen o “index crimes” ngayong taon, ayon sa report ng Philippine National Police (PNP).

Ang data ay mula noong January 1 hanggang November 13.

Ayon sa PNP, umabot sa 34,050 index crimes ang na-record nila.

Mas mababa ito kumpara sa parehong panahon last year na nasa 2.66% o 932 na krimen.

Malaki ang ibinaba ng krimen sa Luzon na nasa 0.85% o 171 incidents, Sa Visayas ay 6.85% o 522 incidents, at sa Mindanao ay 3.27% o 239 incidents.

Ilan lamang sa mga naiulat na bumabang krimen ay ang murder, homicide, physical injury, rape, at car theft.

Narito ang report mula sa PNP:

• Murder: from 4,209 to 3,706 cases (11.95% decrease)

• Homicide: from 997 to 877 cases (12.04% decrease)

• Physical injury: from 4,704 to 4,551 cases (3.25% decrease)

• Rape: from 8, 225 to 7,197 cases (12.50% decrease)

• Car theft (motor vehicles): from 319 to 250 cases (21.63% decrease)

• Car theft (motorcycles): from 1,676 to 1,637  (2.33% decrease)

Pero nagbabala ang PNP na tumaas ang naitalang bilang ng “theft and robbery” o mga kaso ng pagnanakaw.

Umakyat ang bilang ng theft report ng 9.19% o 11,295 kumpara noong nakaraang taon na nasa 10,344.

Ang robbery report naman ay umabot na sa 4,331 o mas mataas ng 0.30% kumpara last year na nasa 4,318.

Related chika:

Driver ng SUV na sangkot sa kasong hit-and-run at nakasagasa ng sekyu sumuko na sa PNP

Kit Thompson kinasuhan ng PNP dahil sa diumano’y pananakit kay Ana Jalandoni

Jake hindi hinayaang maapektuhan ang pagtatrabaho sa naging problema sa PNP