Kiray Celis at Meriam Celis
ANG bongga-bongga talagang anak ni Kiray Celis, no! Aba, knows n’yo ba kung ano ang iniregalo niya sa kanyang nanay kamakailan?
Binigyan lang naman ng Kapuso comedienne at vlogger ang pinakamamahal niyang ina ng bagung-bagong paupahang bahay!
At bukod diyan, may pa-alahas pa si Kiray kay nanay kaya naman shookt ang kanyang mother dear nang matanggap ang best gift ever sa kanya ng anak.
Sa kaniyang Facebook account last Friday, October 14, nagpa-house warming at nagpa-blessing nga ng kanilang tatlong palapag na apartment.
Nagsagawa din ang komedyana ng house tour after ng blessing, “Nandito na tayo sa bago naming paupahan, bagong bahay, regalo ko kay Mama.”
Reaksyon naman ng nanay niya, “Masaya, masarap. Hindi ko ma-explain ‘yung nararamdaman kong saya. Kasi suwerte ako na nagkaanak ako ng Kiray.”
Samantala, tatlong alahas naman ang iniregalo ni Kiray sa ina, “Laging sinasabi sa akin ni Mama noong bata pa ako, kapag may nagtanong daw sa akin ano gusto kong regalo, sabihin ko daw ginto.
“Para iwas-usog tapos kapag wala kaming pera, puwede daw masanla. Tumataas pa value habang tumatagal. Which is totoo naman.
“Kaya heto ako, ito ang regalo ko sa kanya. Kuwintas na may picture naming dalawa, isang singsing na may initial niya at kuwintas na may diamonds. I love you, Mama!” mensahe pa ni Kiray sa kanyang ina.
Hindi ito ang unang pagkakataon na sinorpresa ni Kiray ang kanyang mga magulang, lalo na sa mga espesyal na okasyon. Lagi siyang may pa-money cake kapag kaarawan ng parents niya.
Ngayong 2022, niregaluhan niya ng P63,000 ang 63-anyos niyang tatay habang P57,000 naman sa 57 years old niyang ina.
“Maubos man ang ipon ko sa kakapa-money cake sa inyo every birthday n’yo ni Mama, okay lang. Sobrang thankful at blessed ako taon taon na nadadagdagan lagi ang buhay n’yo,” ang sabi pa noon ni Kiray sa kanyang socmed post.
Kiray nagsusuot ng sexy OOTD hindi para bastusin at laitin: Allow me to be confident with my body