Chicken Inasal ng Pilipinas pasok sa Top 5 ‘Best Chicken in the World’
Chicken Inasal. STOCK PHOTO
MUKHANG hindi lang sinigang at adobo ang hahanap-hanapin ng mga dayuhan dito sa ating bansa.
Lumalaban na rin kasi ang “chicken inasal” bilang isa sa pinakamasarap na putahe ng Pilipinas.
Nakapasok pa nga ito sa “50 Most Best Chicken in the World” ng international food database na “TasteAtlas” para sa buwan ng Oktubre.
Out of 50, pang-lima ang chicken inasal sa listahan!
View this post on Instagram
Sabi ng TasteAtlas, pinagbasehan nila sa ranking ang “audience ratings” sa pamamagitan ng “5-star system.”
Ipinaliwanag din ng TasteAtlas na nagmula ang chicken inasal sa Bacolod at naging “signature dish” sa Visayas region.
Inilarawan pa sa website na ang putahe ay may “unique peppery flavor” na perfect kainin kasama ng “garlic rice” at espesyal na sawsawan.
Sey nila, “It employs various chicken cuts marinated in a mixture of vinegar and numerous spices such as lemongrass, garlic, and ginger.
“During grilling, the meat is brushed with the annatto-infused oil which provides the chicken with an appetizing golden color and a unique peppery flavor.
“The dish is usually served alongside annatto-flavored garlic rice and spiced vinegar.”
Nabanggit rin ng TasteAtlas ang anim na restaurant sa bansa na inirerekomenda nilang may masarap na chicken inasal.
Una sa listahan ang “Aida’s Manokan” at “Nena’s Beth at Manokan” sa Bacolod, “Island Chicken Inasal” sa Boracay, “Balay Dako” sa Tagaytay, “Barrio Inasal” sa Iloilo City, at “Ka Joels Inato” sa Puerto Princesa.
Samantala, Nangunguna sa listahan ng “Best Chicken in the World” ang “Pollo a la Brasa” ng Peru, sumunod ang “Butter Chicken,” at “Tikka” ng India, at ang “Jujeh Kabab” ng Iran.
Read more:
Diego Loyzaga tuloy ang pagpapa-yummy: Salmon lang or chicken breast ang kinakain ko
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.