James Reid time-out muna sa trabaho para unahin ang ‘kuya duties’, um-attend sa graduation ng kapatid
Ella MacDonald, Chantal Calicdan at James Reid
NAGLAAN talaga ng panahon ang actor-singer na si James Reid para sa kanyang “kuya duties.”
Personal na nasaksihan ng binata ang graduation ceremony ng kanyang younger sister na si Chantal Calicdan kamakailan kung saan nakasama rin nila ang kanilang nanay na si Ella MacDonald.
Sa kabila ng kanyang super busy schedule talagang nag-effort at nagbigay ng oras si James para makasama sa pagtatapos sa kolehiyo ng kapatid.
Nag-post si Chantal ng litrato nila ng ina kasama si James sa kanyang Instagram account na kuha sa kanilang graduation rites. Hawak pa niya rito ang natanggap na collegee diploma.
Sa nasabing photo, makikita naman si James na may bitbit na bouquet of flowers na ibibigay niya kay Chantal.
Nagtapos ang younger sister ng aktor, record producer at talent manager ng kursong business administration and marketing management mula sa Lyceum of the Philippines University.
“Today’s the day. From a kid who wanted to be an Astronaut. A high school student who was always the group leader.
View this post on Instagram
“To an engineering student who kinda gave up. A marketing student who ended up loving the course and the field.
“And now a career woman (who doesn’t even know what is sleep) in the music and business industry who just got that diploma,” ang kumpletong caption ng kapatid ni James sa kanyang IG post.
“Cheers, I made it down the hill. Now onto the next mountains across the oceans,” dagdag pang mensahe ni Chantal.
Sa Instagram stories naman ni James makikita ang maikling video clip kung saan tinatanggap ni Chantal ang kanyang diploma. Maririnig ang aktor na sumisigaw ng, “Woohoo! Go Chanty! We careless baby!”
Sa pagkakaalam namin, tumutulong si Chantal sa operasyon at promosyon ng mga proyekto ng pag-aaring record label ni James, ang Careless Music, base na rin sa kanyang social media pages.
James Reid hindi pa rin nabebenta ang bahay; umaasang may chance pa kay Nadine?
Reunion movie nina James Reid at Nadine Lustre imposibleng mangyari ngayong 2022
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.