Yasser Marta, Althea Ablan, Lianne Valentin, Almira Muhlach bibida sa anniversary pasabog ng ‘Regal Studio Presents’

Lianne Valentin, Yasser Marta at Almira Muhlach

SIGURADONG abangers na ang mga Kapuso viewers sa mga nakalinyang special episodes para sa first anniversary ng “Regal Studio Presents” ng GMA 7.

In fairness, talagang naging matagumpay ang bonggang collaboration ng Regal Entertainment at ng GMA Network kaya naman naghanda sila ng mga pasabog para sa unang anibersaryo ng “Regal Studio Presents”.

“Yes, naka-one year na kami. Thanks to all the loyal viewers who watch us every Sunday and make the show a consistent top rater,” ang pahayag ni Roselle Monteverde ng Regal Films.

Ano nga ba ang secret sa success ng “RSP”? “I personally read all the stories submitted to make sure wala kaming inuulit na material. 

“We also choose kung sino ang mga bagay na director and artista. It’s really matter of putting great minds together para laging fresh ang stories. At para fresh din ang stars, we tap the new actors of GMA and also of Regal,” aniya pa.

Ngayong Linggo, September 11, mapapanood ang first anniversary episode ng “Regal Studio Presents” na may titulong  “Love Your Beat” na pagbibidahan ni Lianne Valentin.

Ito ang follow-up project ng dalaga pagkatapos ng matagumpay niyang afternoon series sa GMA na “Apoy sa Langit” with Zoren Legaspi and Maricel Laxa-Pangilinan.

Gaganap si Lianne dito bilang isang singer na iniwan ng kanyang boyfriend na kasama niya sa isang banda na gagampanan ng baguhang aktor na si Carlo San Juan.

Kuwento ng Kapuso star sa ginanap na virtual mediacon ng “RSP”, “I love my character as Stella in ‘Apoy sa Langit’, but I now say goodbye to her and I love that my character in ‘Regal Studio Presents’ is so different from Stella. 

“Si Stella, kontrabida, maldita, but here mabait siya, pero bubbly, perky and maingay siya. Malakas din ang kilig factor ng story. Carlo plays here a singer and guitar player at maganda raw ang chemistry namin,” aniya pa.

Samantala, sa September 18 naman aariba ang episode na “It Must Be Love” starring Almira Muhlach na gaganap bilang single mother na love na love ang pagluluto at may-ari ng isang restaurant. 

Makakasama niya rito si Jana Taladro na gaganap na anak niya sa kuwento as Carla. Mai-involve si Carla sa classmate niyang si Henry played by Bryce Eusebio.

“Malapit siya sa puso ko kasi single mom naman talaga ako in real life. Kaya nakaka-relate talaga ako sa role and story namin,” pahayag ng aktres.

At sa September 25 naman, mapapanood ang “Win A Date” na pagbibidahan ng Kapuso hunk na si Yasser Marta with “Prima Donnas” star na si Althea Ablan.

Chika ni Yasser, “I play Angelo at isa ako ritong sikat na artista and si Althea naman is my diehard fan. Marami ritong makaka-relate na fans kasi it’s the story of a fan and her favorite idol.”

Chika naman ni Althea, “This is the first time we’re paired ni Yasser and I’m excited to work with him.

“I play Kylie, fan girl niya ako. Lahat ng merchandise niya, binibili ko. Then nagpa-contest yung product na ine-endorse niya at ang magiging winner, makaka-date si Yasser. 

“May twist in the story na nakakakilig and I’m so thankful kasi second time ko na itong maka-guest sa show and I’m so happy to be part of the first anniversary presentation of ‘Regal Studio Presents,’” lahad pa ng dalaga.

https://bandera.inquirer.net/289717/pangarap-nina-sanya-at-ken-natupad-na-ang-dalawang-ikaw-ng-ritken-tuloy-ang-paghataw

https://bandera.inquirer.net/302625/yasser-marta-sa-mga-ayaw-pa-ring-magpaturok-huwag-kayong-matakot-ang-dami-na-naming-bakunado-na
https://bandera.inquirer.net/303128/4-na-bida-ng-prima-donnas-keribels-nang-magka-loveteam-pero-handa-na-bang-magka-boyfriend
https://bandera.inquirer.net/305499/yasser-marta-sinuwerte-kay-maine-sobrang-hindi-pa-rin-ako-makapaniwala