Mikael, Ruru na-shookt sa tapang at diskarte nina Glaiza, Lexi at Angel sa ‘Running Man PH’: ‘OMG! Grabe sila!’
Ruru Madrid, Kokoy de Santos, Angel Guardian, Buboy Villar, Mikael Daez, Glaiza de Castro at Lexi Gonzales
NAPA-“OMG!” na lang sina Ruru Madrid at Mikael Daez sa tapang at pagiging palaban ng mga female co-stars nila sa bagong reality show ng GMA 7 na “Running Man Philippines”.
Shookt ang dalawang Kapuso stars sa ipinakitang performance nina Glaiza de Castro, Lexi Gonzales at Angel Guardian sa mga pinagdaanan nilang challenges sa Philippine adaptation ng “Running Man” na unang napanood sa South Korea.
Wala raw talagang inurungang laban ang tatlong Kapuso female stars kaya naman mas na-challenge sila sa bawat episode na ginawa nila sa programa na kinunan pa talaga sa Korea.
“Abangan n’yo ‘yung mga girls namin. Kasi, when I first met them, wala ako initial impression, e. Tapos nu’ng naglaro na kami, we started playing the missions, ‘Oh my, God!'” ang pahayag ni Mikael sa panayam ng “24 Oras”.
View this post on Instagram
Sey naman ng Kapuso Action-Drama Prince na si Ruru Madrid nang tanungin kung sinu-sino sa mga nakalaban niya sa “Running Man Philippines” ang talagang kinatakutan at nagmarka sa kanya.
“Parang lahat, lahat naman. Pero mas nakakatakot lang ‘yung mga babae. Kapag babae, lalo na ‘pag si Boss G or si Glaiza, kapag tumitig sa ‘yo si Glaiza wala ka nang magagawa. As in tiklop ka talaga!” pag-amin ni Ruru.
“Bawat challenges na ginagawa namin, lahat ng ‘yun. Para po makapagbigay kami ng saya sa inyo,” dugtong pa ng “Lolong” lead star.
Samantala, napakarami ring natutunan ni Glaiza sa pagtatapos ng kanilang shoot sa South Korea, “Bilang artista kasi, sanay ako na prepared talaga ako, prepared ako sa lines ko. Alam ko gagawin ko kapag pagdating sa set, dapat focus ako.’
“Dito po, parang, okay lang na hindi ka maging prepared. Just be in the moment, be in the present. I-accept mo kung ano ‘yung mga nasa paligid mo.
“And introvert din po kasi akong tao, so dito mas natutunan ko maging outspoken. Mas maging pala-bonding,” aniya pa.
Magsisimula na sa September 3 ang “Running Man Philippines” at kasama rin sa cast sina Buboy Villar at Kokoy de Santos.
https://bandera.inquirer.net/321433/glaiza-kokoy-buboy-lexi-angel-napamahal-na-sa-south-korea-very-thankful-na-nakauwi-kami-ng-safe-at-walang-nagkasakit-sa-amin
https://bandera.inquirer.net/306139/ruru-madrid-hindi-nagpa-double-sa-lolong-lahat-ng-buwis-buhay-stunts-ako-ang-gumawa
https://bandera.inquirer.net/303651/ruru-bilib-na-bilib-kay-kylie-walang-arte-walang-reklamo-i-will-always-care-for-you
https://bandera.inquirer.net/299867/marian-may-1-katangiang-hahanapin-sa-susunod-na-miss-universe-ano-kaya-yun
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.