MUKHANG titigil na ang kolumnistang si Lolit Solis sa pang-ookray sa Kapuso actress na si Bea Alonzo.
Sa kanyang Instagram account ay muli na naman niyang ipinost ang larawan ng dalaga.
Ani Manay Lolit, natutuwa sita sa mga nakikita niyang iba’t ibang reaksyon mula sa mga netizens sa mga isinusulat niya sa kanyang account. Dito raw niya kasi nakikita ang tunay na pagkatao o karakter ng isang tao.
Chika pa niya, may isang fan raw ni Bea na natawa siya dahil pinadalhan siya nito ng “love money”.
“Natawa ako sa isang fan ni Bea Alonzo na nagpadala ng ‘love money’ na $35 para sa akin, dahil daw sa lagi kong ‘pagbibiro’ kay Bea kaya ang mga paa nito nasa lupa parin hanggang ngayon,” saad ni Manay Lolit.
Kuwento pa niya, para daw siyang lola ni Bea na nagdidisiplina sa aktres.
“Bongga di ba, at least nakikita nila in a constructive way ang mga IG at columns ko sa PSN at PM,” sey pa ni Manay Lolit.
“Ganyan dapat ang mga fans, tignan nila in a different way ang isang bagay, huwag maging one side track lang,” dagdag pa niya.
At mukha ngang nagsawa na si Manay Lolit sa kakapansin sa aktres dahil deadma lang naman ito sa kanya.
“Naku, balak ko ng tigilan si Bea dahil hindi naman siya ipinagtatanggol ng Team Bea, sayang ang bayad niya sa mga publicist niya,” sabi niya.
Hirit pa ni Manay Lolit, “Saka bakit hindi siya ipagtanggol ng manager niya para sa image niya, dapat meron silang way para maayos ang mga lapses.”
At muli ngang naungkat ang pagkakatanggal ng kanyang pangalan sa listahan ng mga media personalities na dadalo sa presscon ni Bea noon sa isang beauty brand.
“Kaya lang ba nila magpa cancel ng invitation, wala man lang image building ? Tignan mo, ang tingin ngayon kay Bea Alonzo isang bitter, Lola looking, palaos na star, dahil hinayaan nila na mag stick iyon sa utak ng mga tao,” sey pa ni Manay Lolit.
Hamon pa niya,”Dapat inayos agad, nasaan ang Team Bea ? Please labas na kayo.”
Related Chika:
Ogie Diaz nag-react sa isyu nina Lolit at Bea: Sa edad niyang ‘yun, nai-scratch pa ‘yung pangalan niya
Lolit Solis binanatan si Bea Alonzo, sinabing feeling ‘super mega star of all seasons’
Lolit Solis kay Bea Alonzo: Siguro masakit pa ring ma-ghost ng isang Gerald Anderson