Joshua walang arte sa paghuhubad sa ‘Darna’: Hindi naman ganu’n kaganda katawan ko, pero pwede na rin
Joshua Garcia
NAGPAPAGANDA ng katawan ang Kapamilya actor at Tiktokerist na si Joshua Garcia hindi lang dahil sa “Darna” kundi para na rin daw sa kanyang sarili.
Naging hot topic at talagang nag-viral ang topless scene ng binata sa isang episode ng “Mars Ravelo’s Darna” kung saan gumaganap nga siya bilang mabuti at mapagkakatiwalaang pulis.
At siguradong matutuwa ang mga fans ni Joshua, lalo na ang mga beking nagpapantasya sa kanya dahil marami pa raw siyang “hubaran” scenes sa bagong action-adventure serye ng ABS-CBN.
Bukod nga kasi kay Jane de Leon na gumaganap bilang bagong Darna, at kay Joshua as Brian Robles, inaabangan na rin ng madlang pipol ang iba pang karakter sa serye.
View this post on Instagram
Kabilang na nga riyan ang karakter ni Janella Salvador bilang si Valentina at ang iba pang kontrabida na makakalaban ng iconic Pinay superhero sa muli niyang paglipad sa telebisyon.
At kasabay nga ng trending at viral na transformation ni Jane bilang Darna suot ang astig niyang costume, pinag-usapan din ang topless scene ni Joshua sa pilot week ng serye.
“Ang story niyan nasa script talaga ‘yun. Bago pa magsimula ang Darna alam ko na may pa ganu’n,” ang pahayag ng aktor sa panayam ng CinemaNews.
Kuwento pa ng leading man ni Jane sa “Darna”, hindi naman ito ang unang pagkakataon na nagpakita siya ng hubad na katawan sa harap ng mga camera.
“It’s not my first time maghubad. Sa Killer Bride, nag-topless din ako kaso payatot pa talaga nu’n.
“Ngayon kasi nagkakaroon ng kaunti lang naman kasi may preparation bago mag-start ang Darna and nag-exercise na rin ako, nakakapag-workout-workout,” paliwanag ni Joshua.
Paglilinaw pa ng aktor, “Hindi ko siya ginawa dahil sa Darna. Para rin sa sarili ko. Kita mo naman, eventually nagamit sa Darna. Di naman ganu’n kaganda katawan, pero pwede na rin.”
Kinumpirma rin ni Joshua sa nasabing interview na hindi lang isang beses ang gagawin niyang “paghuhubad” sa “Darna”.
“After ng paggawa ng scene na ‘yun, binabasa ko script, ‘Hala nakahubad na naman ako?’ Nagsusunod-sunod na siya!
“Siguro mabibilang ko sa kamay topless scenes. Parang ‘yung iba sinabi ko ‘Wag naman tayo nakahubad dito. Lagi na lang tayo nakahubad.’ May scenes na pasuot lang ng damit,” natatawang chika ni Joshua.
Sa grand media launch ng “Darna” sinagot din ni Joshua kung paano siya napapayag mag-topless sa ilan niyang eksena sa programa, “Na-convince ako kasi siyempre nasa tamang edad na naman ako at hindi naman siya sobrang laswa.
“Nahirapan lang akong mag-prepare. Medyo nagbuhat ako nang konti. Hindi ako sanay nang nagbubuhat, eh. So, ‘yun, konting preparation. Parang labas din siya sa comfort zone ko,” aniya pa.
https://bandera.inquirer.net/321453/joshua-umamin-na-sa-tunay-na-relasyon-nila-ni-jane-mabait-siya-maganda-matalino-napakagaan-niyang-kasama
https://bandera.inquirer.net/280064/seth-fedelin-may-promise-sa-madlang-pipol-nagse-share-na-ng-secrets-kay-andrea
https://bandera.inquirer.net/298189/janine-kapag-pinag-agawan-ng-2-lalaki-pipiliin-ko-kung-sino-ang-mahal-ko-ganun-lang-kasimple
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.