SUPER proud na proud ang award-winning broadcast journalist na si Kara David sa pagtatapos ng kanyang anak na si Julia Kristiana David.
Kabilang ang kanyang anak sa mga nag-martsa sa face-to-face graduation ceremony ng University of the Philippines Diliman.
Muli ngang ibinandera ni Kara ang anak na nagtapos bilang magna cum laude sa kursong Bachelor of Science in Family Life and Child Development.
Sa kanyang Instagram account ay todo flex ulit ang broadcast journalist sa achievement ni Julia.
“And she graduated magna cum laude! Wow! Masaya na kami na makapagtapos lamang, pero dagdag karangalan pa ito. Napakahusay mo talaga anak. So proud of you! All your hardwork paid off,” caption ni Kara sa kanyang post.
Ibinandera rin nito ang graduation picture ng anak na nakasuot ng kanyang sablay.
Bumaha naman ng pagbati para kay Julia at paghanga para kay Kara ang comment section ng kanyang post.
Saad ng isang netizen, “Congratulations to the both of you.”
“Mana sa mga nuno at nanay. Congrats Ms. Kara at sa iyong anak,” comment ng isang netizen.
Matatandaang naisulat na rin namin kamakailan kung gaano ka-proud ang kilalang mamamahayag sa pagtatapos ni Julia.
“Parang kailan lang… ngayon magtatapos ka na ng kolehiyo. So proud of you anak. Masipag, matalino, mapagkumbaba at mapagmalasakit sa kapwa. Ikaw ang pinakamagandang nangyari sa aking buhay,” pagbabahagi ni Kara.
Related Chika:
Lovi, Benjamin feeling winner dahil kay Kara; Carla may bonggang pasabog
Kara David proud na proud sa anak na ga-graduate ng kolehiyo
Tourism graduate mula Baguio idinaan sa money cake ang balitang magna cum laude siya