Billy Crawford Kapuso na, napiling host ng ‘The Wall PH’; lalaban din sa ‘Dance With The Stars’ sa France
Billy Crawford at Coleen Garcia
CONFIRMED! Magiging Kapuso na rin ang dating Kapamilya star na si Billy Crawford dahil siya na nga ang napiling host ng “The Wall Philippines.”
Nagsanib-pwersa na ang GMA Network at Viva Communications Inc. para sa sikat na sikat na game show mula sa Amerika at Endemol, ito ngang “The Wall Philippines.”
Makalipas ang halos dalawang dekada, muling mapapanood si Billy sa GMA bilang game master ng nasabing game show.
Knows n’yo ba na bukod sa “That’s Entertainment”, napanood din si Billy sa GMA noong 2007 sa reality dance show na “Move! The Billy Crawford’s Search for Pinoy Dancers.”
Kaya naman siguradong super excited na ang TV host-actor at singer sa pagbabalik niya sa GMA after almost 20 years. At tiyak ba abangers na rin ang mga fans niya na mapanood ang “The Wall Philippines.”
Humanda nang maki-“drop the balls” kasama si Billy at ang bawat celebrity tandem na maglalaro tuwing Linggo na highlight ang state-of-the-art 40-foot wall.
Ang life-changing moments ng celebrity players, abangan sa “The Wall Philippines” simula ngayong Agosto sa GMA.
Kagabi, um-attend din si Billy kasama ang asawang si Coleen Garcia sa Thanksgiving Gala ng GMA Network na ginanap sa isang hotel sa Taguig City na siyang patunay na certified Kapuso na nga ang TV host.
View this post on Instagram
Anyway, wala naman daw issue ang pagtatrabaho ni Billy sa GMA kahit napapanood siya sa “Tropang LOL” na ipinalalabas sa TV5, A2Z at Kapamilya Channel. Sa nasabing noontime show lang daw nakakontrata si Billy at hindi sa TV5.
Balitang nag-advance taping na rin si Billy para sa “The Wall Philippines” dahil aalis siya ng bansa patungong Paris, France sa August 15.
Isa kasi siya sa mga napiling contestant para sa Season 12 ng “Danse avex les Stars” (Dance with the Stars) at magtatagal siya roon hanggang Oct. 15, 2022.
https://bandera.inquirer.net/319093/billy-pumapasok-noon-sa-its-showtime-nang-lasing-muntik-nang-hindi-matuloy-ang-kasal-nila-ni-coleen
https://bandera.inquirer.net/298532/billy-tinawag-ni-cristy-fermin-ng-bully-crawford-nanawagang-itigil-na-ang-lol
https://bandera.inquirer.net/303301/dimples-na-shock-sa-ginawa-ng-anak-nang-mag-face-the-wall-imbis-na-magalit-magdabog-nagdasal-siya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.