Aljur pananagutan ang anak kay AJ Raval, paniniguro ni Cristy Fermin: Dahil isa siya sa mga artistang may balls!
Aljur Abrenica at AJ Raval
MARAMING nagulat sa pinasabog ni Nanay Cristy Fermin sa kanyang “Showbiz Now Na” YouTube channel kahapon, Hulyo 19 kasama sina Romel Chika at Morly Alinio tungkol sa pagbubuntis ni AJ Raval courtesy of her boyfriend Aljur Abrenica.
Sa programang “Cristy Ferminute” sa Radyo5 92.3 NewsFM kasama si Romel na umere kaninang 1 p.m. ay nabanggit ng host na sangkaterba ang tumatawag at nagpadala sa kanya ng mensahe tungkol sa ibinalitang buntis si AJ.
Ilang linggo na rin itong pinag-uusapan pero itinanggi nga ni AJ at nagpakita pa ng mga larawang flat ang tummy niya kasabay ng pagdedenay ng manager niyang si Jojo Veloso.
Nabanggit nito na nagsu-shoot ang Vivamax sexy star ng dalawang pelikula, ang “Sitio Diablo” kasama si Kiko Estrada at “Us and Her” with Angeli Khang.
Sabi ni ‘Nay Cristy, “Umamin po si AJ sa aming source at hindi niya maaaring i-deny talaga. May karapatan silang mag-deny dahil hindi pa siguro sila handang harapin ang isyu.
“Pero ika nga natin, di ba, ang pinakamahirap pong itago sa mundong ito ay ang pagdadalang-tao pagkatapos ng siyam na buwan o ang bata ay kulang sa buwan o pitong buwan hindi na po maitatago ito, lalabas at lalabas sa buong mundo ‘yan,” sabi ng batikang manunulat.
“Oo, nagulantang ang mga tao ‘Nay kasi siyempre alam naman natin si AJ Raval na pantasya ng mga kalalakihan kaya nu’ng sinabi naming buntis, ‘ah sino ang ama, may ma ganu’n!” sabi ni Romel.
Kung mapapansin ay wala na ring mga bagong post si AJ sa kanyang social media na ipinapakita niya ang kanyang flat tummy dahil ang huling post niya ay noon pang July 1.
“Yun naman po ang naisip ng mga kababayan natin na unang napabalitang nagdadalang-tao siya ay ipinakita niyang flat ang tummy niya pero hindi po binili ng mga ‘Marites’ ‘yung kanyang patunay.
View this post on Instagram
“At ang hamon sa kanya, magpa-interview ka nang live para malaman naming hindi ka nagdadalang-tao.
“Hindi puwedeng magpapakita ka ng mga ebidensiya o resibo na ikaw lang ang naniniwala kailangan kami rin,” pahayag ni Nanay Cristy.
Nabanggit din ng batikang manunulat at vlogger na tiyak na paninindigan ni Aljur ang pagkakaroon nila ng anak ni AJ, “Dahil isa siya sa mga artistang may balls.”
Marami ang nanghihinayang sa magandang karera ngayon ni AJ dahil isa siya sa moneymaker ng Vivamax kaya sunud-sunod ang projects na ibinibigay sa kanya ng mag-amang Boss Vic at Vincent del Rosario
Sabi naman ni ‘Nay Cristy, “Marami po ang nanghihinayang dahil dumating kaagad ang ganitong sitwasyon kung kailan pausbong pa lamang ang kanyang karera.
“Pero wala tayong magagawa, pag-ibig ‘yan, eh kahit ano pa kayang ipagpalit ng isang nagmamahal,” sabi pa niya.
Bukas ang BANDERA sa magiging official statement nina Aljur at AJ hinggil sa balitang ito. Hanggang ngayon ay wala pang kumpirmasyon ang rumored couple tungkol sa kanilang tunay na sitwasyon.
https://bandera.inquirer.net/319135/aj-raval-kumpirmadong-buntis-si-aljur-abrenica-nga-ba-ang-ama
https://bandera.inquirer.net/312031/relasyon-nina-aj-raval-at-aljur-abrenica-wala-pang-label-jeric-raval-umabot-na-sa-19-ang-anak
https://bandera.inquirer.net/308893/si-karen-davila-talagang-naloka-kay-robin-padilla-cristy-fermin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.