Megan may paalala kay Mikael sa paglilibot sa Korea: Make sure it’s Kim Seokjin, baka sa ibang Seokjin ka magpa-picture!
Megan Young at Mikael Daez
“MAGKAHIWALAY” ngayon ang Kapuso couple na sina Mikael Daez at Megan Young — nasa Amerika ang beauty queen-actress habang nasa Korea naman ang TV host-actor.
Sa kauna-unahang pagkakataon, matagal ngang magkakalayo ang mag-asawa mula nang sila’y ikasal.
Nag-solo flight si Megan para sa matagal nang naka-schedule na bakasyon sa US at si Mikael naman ay nagsu-shooting na para sa reality game show na “Running Man Philippines” sa South Korea.
Aminado ang married couple na miss na miss na nila ang isa’t isa pero naniniwala si Mikael na may maganda at may positibo ring maidudulot sa relasyon nila ang dalawang buwang “paghihiwalay.”
View this post on Instagram
Sa kanyang Instagram account, nag-post ang actor-TV host ng mensahe para kay Megan at kung paano niya tine-take ang kanya-kanya nilang buhay ngayon na malayo sa isa’t isa.
“This is Boneezy’s reaction when she found out we’d be away from one another for 50 days!!” simulang pahayag ng aktor sa kanyang IG post.
“But honestly, it’s only been a few days away from her and the adjustment has been pretty big.
“Nobody to make coffee for me, wala na akong ka-ragnarok and I don’t have my two favorite food items– Soba and Chia.
“However, I also stand by my prediction that there’s so much that both of us will learn from this separation,” aniya pa.
“In the meantime, we’re just about to start production for Running Man PH and this, I think, will literally have me moving all around this country.
“So in terms of content, expect a lot of k-pop themed reels very soon. At malay natin, baka maka-selfie ko si seokjin sa daan!” sabi pa ni Mikael gamit ang mga hashtag na #SorryNaLangMauunaAkoSaNakapila, #ParaKayBonez, SaPictureDiKoAlamBakitTakotSyaSaCake at #AsawaNgArmyFTW.
Nagkomento naman si Megan sa post ng asawa, “Fofo just make sure that it’s Kim Seokjin… Baka sa ibang Seokjin ka magpa picture! Hehehehe.”
Ikinasal sina Mikael at Megan noong January, 2020 at ilang beses na nilang sinasabi na wala pa sa priorities nila sa ngayon ang magkaroon ng baby pero kung ibibigay na sa kanila ang blessing na ito ay tatanggapin nila nang bonggang-bongga!
https://bandera.inquirer.net/309378/megan-ayaw-pang-magka-baby-pero-kapag-nabuntis-ready-na-ring-maging-mommy
https://bandera.inquirer.net/306183/mikael-sa-asawang-beauty-queen-im-not-in-love-with-miss-world-im-in-love-with-megan-young
https://bandera.inquirer.net/288239/megan-mikael-umamin-palagi-naming-nakakalimutan-ang-birthday-at-anniversary-namin
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.