Carmina may bagong natuklasan kay Zoren nang makausap ang mother-in-law…ano kaya yun?
Carmina Villarroel, Mavy Legaspi, Cassy Legaspi at Zoren Legaspi
TAWANG-TAWA si Carmina Villarroel habang ikinukuwento ang isang bagay na nadiskubre niya kay Zoren Legaspi makalipas ang ilang taon nilang pagsasama.
Ikinasal ang Kapuso couple noong 2012 nang ikasal ang celebrity couple na dinaluhan ng kanilang respective families and celebrity friends.
Ngunit kahit ilang years na nga silang nagsasama bilang mag-asawa ay may nalaman pa si Carmina tungkol kay Zoren.
Napag-usapan sa episode 9 ng podcast nina Carmina, Candy Pangilinan, Janice de Belen, at Gelli De Belen na “Wala Pa Kaming Title” ang ilang trivia about their lives sa “What’s in a name?” game.
At dito nga naibahagi ng Kapuso actress at TV host ang isang rebelasyon na may konek sa tunay na pangalan ni Zoren.
View this post on Instagram
“Si Cassandra, sinunod ko sa akin, Maria Cassandra, tapos si Maverick naman Peter, si Zoren kasi Peter Zoren, so sabi ko gusto ko sana isunod din sa pangalan ni Zoren tsaka at least may apostle Zoren, ganyan, ganyan.
“Okay so ginawa kong Maverick Peter, Maverick naman kasi nga forever gusto ko si Top Gun,” simulang paglalahad ni Mina.
Ngunit all along ay mali pala ang pagkakaalam niyang buong pangalan ng asawa nang makachika niya ang kanyang mother-in-law.
“Less than 10 years ago, kausap ko si Momsy, mother-in-law ko. Sabi ko, ‘Momsy, bakit po ano, Peter Zoren ‘yung naipangalan niyo kay Zoren?’
“So nagkuwento siya sabi niya, ‘Actually ‘yung Peter wala naman talaga siyang Peter, gusto ko lang maging Peter siya.’
“True enough noong nagre-renew si Zoren, all this time ha, akala ni Zoren, Peter Zoren siya, so lisensiya niya, credit card niya, lahat Peter Zoren.
“Sabi ni Zoren, ‘Ma, wala nga akong Peter, all my life akala ko may Peter.’ So si Zoren walang Peter so si Maverick na lang ang naiwang Peter,” pahayag pa ni Carmina.
Napapanood ngayon si Zoren bilang si Cesar sa pinag-uusapang afternoon drama ng GMA na “Apoy Sa Langit” habang very soon ay bibida naman si Carmina sa upcoming series na “Abot Kamay Na Pangarap” kasama sina Jillian Ward, Richard Yap at Dominic Ochoa.
https://bandera.inquirer.net/300895/zoren-kakaibang-iyak-ang-ipinakita-sa-the-end-of-us-para-hindi-ako-pagtawanan-ng-kambal
https://bandera.inquirer.net/301394/zoren-ibinuking-si-carmina-nag-aaway-kami-sa-taping-para-akong-anak-niya-na-kailangang-intindihin
https://bandera.inquirer.net/316236/giant-lapu-lapu-na-nahuli-ng-mangingisda-sa-palawan-naibenta-ng-p19k-isang-biyaya-mula-sa-panginoon
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.