MATAPOS ang ilang linggong pananahimik sa social media, nagbigay ng update ukol sa kanyang kalusugan ang Queen of Media na si Kris Aquino.
Sa kanyang Instagram post nitong Huwebes ng madaling araw, inamin niya na nagpositibo sila sa COVID-19.
“Kuya Josh tested positive for [COVID-19] on June 20. Nurse took his temperature then they got antigen kits, tested him first because he was so unlike himself. He was just lying down, on the sofa, no energy to play or watch GouTubr on his phone,” pagbabahagi ni Kris.
Noong mga oras na yun ay natutulog daw siya sa kanyang kwarto kaya ginising siya ng kanyang nurse para sabihing nag-positive ang anak.
Noong una daw ay hindi pa maintondiha ni Kris ang sinasabi ng nurse hanggang sa dumating ang kanyang bunsong anak na si Bimb at sinabing magsuot siya ng face mask.
Agad na umalis sina Tetay at Bimb sa kanilang tinutuluyang bahay at pansamantalang iniwan si Kuya Josh sa pangangalaga ng mga nurse.
“My instinct was to go and hug kuya but everyone told me I needed to leave immediately and move to a hotel because I was severely immuno compromised and being covid positive would mean ICU for me,” pagpapatuloy pa ni Kris.
Ikinatakot rin niya ang lagay ng bunso dahil bukod sa kanyang pagiging immuno-compromised ay asthmatic naman si Bimb.
“It was heartbreaking to leave kuya, I felt I was abandoning him in time of need,” malungkot na sabi ni Kris.
Nag-take rin ng PCR test sina Kris at Bimb para masiguro ang kanilang kalagayan. Sa inisyal na test ay nag-negative ang resulta ngunit makalipas ang ilang araw ay sumama ang pakiramdam niya.
“By the 23rd mid morning I asked Nurse Eloi to please check my temperature because something was off. True enough, I had fever.
“I said to please get the antigen test kit. Nurse Eloi tried to remain calm but in less than 5 mins both red lines hd appeared. Kuya was already at the same hotel so I told them to please take Bimb,” paglalahad ni Kris.
Nakatulog na siya sa pagod kaya naman nang magising siya ay agad niyang kinumusta ang bunso at ayon kay Anne Binay na kasama ni Nimb ay tulog lang ito.
Dito nga’y sinunod niya ang kanyang instinct at pinag-take ng antigen test si Bimb.
“True enough, less than 12 hours after me Bimb was also Covid positive,” sey niya.
Pagbibiro pa ni Kris sa namayapang kapatid na si dating Pangulong Noynoy Aquino, “Since this was already your death anniversary, somehow I felt reassured knowing that the three of us would get through this new ordeal especially because you would never allow us to have a death date so close to yours.”
Sa ngayon ay patuloy na nagpapagaling ang mag-iina mula sa COVID-19.
Sa sulat sa namayapang kapatid na si dating Pangulong Noynoy Aquino, naniniwala si Kris na hindi pahihintulutan ng kuya niya na may masamang mangyari sa kanilang mag-iina.
Mensahe naman ni Kris sa kanyang mga taga-suporta, “This isn’t a permanent goodbye, ibalato nyo na lang hanggang malagpasan namin itong matinding pagsubok. Thank you for all your prayers. I am forever #grateful.
“Promise, pag may good news ako, after thanking God & telling my sisters & my trusted friends- you’ll see a post from me. In God’s perfect timing.”
Related Chika:
Joshua, Bimby lumipad na patungong Amerika, Kris nagpaiwan muna… bakit kaya?
Ina Raymundo naging ‘instant nurse’ nang magka-COVID-19 ang pamilya, nag-share ng first-aid tips