Megan, Mikael ‘umeksena’ sa airport, 2 buwan magkakahiwalay bilang mag-asawa
Megan Young at Mikael Daez
PAREHONG naging emosyonal ang mag-asawang Megan Young at Mikael Daez nang magpaalam na sa isa’t isa. No, hindi po sila madadagdag sa listahan ng mga celebrities na naghiwalay na.
Hindi nga napigilan ni Miss World 2013 Megan Young ang malungkot nang mag-say goodbye na kay Mikael para sa pagbabakasyon niya sa ibang bansa nang mag-isa.
Ito ang unang pagkakataon na magkakahiwalay ang celebrity married couple nang matagal mula nang magsama sila bilang mag-asawa at mula nang magkapandemya.
Sa kanyang Instagram account, sinabi ni Mikael na 50 days silang hindi magkikita ni misis at halu-halo raw ang kanyang nararamdaman sa solo-solong pag-alis nila sa Pilipinas.
Umalis ng bansa ang Kapuso actress para sa kanyang solo trip around the world habang nakatakda namang magtungo sa South Korea para sa taping ng Kapuso reality show na “Running Man PH.”
Sey ni Mikael sa caption ng kanyang IG post, “Today, Boneezy LEFT ME…..to go to another country!! She’s travelling the world and she’s riding solo this time.
“To add some drama, by the time she comes back, I would have left already for South Korea to shoot Running Man PH.
“Basically, the next time you will see the duo of Bonez and Fofo together will be two months from now,” sabi ni Mikael.
Sa video na ibinahagi ng Kapuso TV host at aktor na kuha sa airport, makikita siyang nagpapaalam sa asawa habang sinasabing mami-miss niya si Megan.
Birong sagot naman ng aktres na halatang nalulungkot din sa paglalayo nila ni mister, “Whatever, bye!”
Pero sa kasunod na bahagi ng kanyang post, makikita ang dating video ni Megan na umiiyak dahil parang hindi raw niya ma-imagine ang sitwasyon na maghihiwalay sila ng asawa. At dito na nga inamin ni Mikael na “rollercoaster of emotions” ang napi-feel niya nu’ng araw na yun.
“The first is I am SUPER excited for Bonez. At the time of this writing she’s reenacting The Terminal by Tom Hanks as she wanders around her stopover airport for around 15hrs.
“She’ll also be figuring out how to do all of this on her own which means she’s going to learn a lot. And of course, I think she’s going to have a blast on this solo adventure,” pahayag ng aktor.
View this post on Instagram
Aniya pa, “The second feeling is a bit mixed. We haven’t been apart from one another since this pandemic started so to have this new status quo for the next two months is going to be interesting.
“But ultimately, I think we’ll both learn so many more things and it’ll be a nice way to reflect on the what we just went through,” lahad ni Mikael.
Ngunit kahit daw mami-miss nila ang isa’t isa, excited din daw si Mikael sa mga mangyayari at magiging experience nila habang magkalayo, “The last feeling is a sense of intrigue for the future. Being in foreign places and new situations has always taught me so many new lessons. I wonder what we’ll get out of this one,” sey pa ng Kapuso star.
Megan, Mikael umamin: Palagi naming nakakalimutan ang birthday at anniversary namin
Mikael, Megan inilabas ang naipong energy makalipas ang 2 taon: We’re super duper excited!
Mikael sa asawang beauty queen: I’m not in love with Miss World, I’m in love with Megan Young!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.