Sey daw ni Kuya Germs kay Andrew E nang mag-audition sa That’s Entertainment: ‘OK, thank you! Next…’
Andrew E at Donita Rose
“OKAY, thank you. Next.” Ito raw ang naging linyahan ng yumaong TV host-comedian na si German “Kuya Germs” Moreno nang mag-audition si Andrew E noon sa teen variety show na “That’s Entertainment.”
Binalikan ng actor-rapper ang isang eksenang hinding-hindi niya malilimutan noong nangangarap pa lang siyang maging performer at isa nga sa mga naibahagi niya sa publiko ay ang encounter nila ni Kuya Germs ilang taon na ngayon ang nakararaan.
Sa interview sa kanya ng online show ni Toni Gonzaga na “Toni Talks” napa-throwback ang komedyante na binansagang “Godfather of Pinoy Rap,” nang sumabak siya sa audition para sa sikat na sikat noong “That’s Entertainment.
Ani Andrew, pang-number 16 daw siya sa pila, “Alam ko, sampu sa isang daan na mag-o-audition sa pag-aartista is because gusto nilang maging artista. Ako hindi. Ang gusto ko lang talagang mangyari is makita ’yung talent ko.”
“’Yung talent ko kasi is so unique na nagra-rap, na at that time ay hindi pa kilala. So sabi ni Kuya Germs, ‘Pakibigyan ng mic ’yan. Hijo, anong gagawin mo? Teka, kumakanta ka ba?’”
“‘Hindi po.’ ‘Sumasayaw ka?’ ‘Hindi rin po.’ ‘E, uma-acting ka?’ ‘Hindi rin po ako marunong nu’n.’ Siyempre, honest. Hindi ako marunong. ‘E, anong gagawin mo?’ ‘Puwede po ba ipakita ko na lang po sa inyo?’” kuwento ni Andrew E.
“Puwede kong sabihin (kay Kuya Germs) kung ano ang rap pero hindi rin n’ya alam. Kasi very secluded pa that time ’yung word na ’yon na ‘rap,” aniya pa.
View this post on Instagram
Todo perform daw siya sa pagra-rap pero hindi talaga siya na-appreciate ni Kuya Germs, “‘Okay. Thank you. Next,’” ang sabi sa kanya ng yumaong Master Showman.
“‘Kuya Germs, hindi pa po tapos.’ ‘Hindi, hindi. Okay na.’ Kasi hindi ako kumakanta, hindi ako sumasayaw. Ano ’yong pinagsasasabi ko? Ibig sabihin, hindi n’ya maintindihan,” chika pa ni Andrew.
Pagkatapos niya, tinawag na ang kasunod niya sa pila, si Donita Rose na nakatrabaho pa niya noon sa ilang proyekto.
“Umupo ako. Pag-upo ko, lo and behold – Donita Rose. Tumayo. ‘Hello po.’ Magalang na siya. Tapos sabi (ni Kuya Germs), ‘Hija, do you know how to sing?’ ‘No.’ ‘Do you know how to dance?’ ‘No.’ ‘Do you know how to do acting?’ ‘No.’ ‘Do you have talent?’ ‘None.’ ‘Okay. Tanggap ka na!’
“Shocked ako. Sabi ko, ‘Walang talent (pero nakapasa)?’ Ikinuwento ko nga ’yan kay Donita, tawa siya nang tawa. Oh my goodness! Banatan ba naman ako ni Donita ng, ‘A, I do remember you. Ikaw ’yung maitim doon sa tabi ko,’” ang tawa nang tawang pag-alala ni Andrew E.
Sey naman ni Toni, “Alam mo kung anong nakakatawa? Ikaw ang kumanta ng Ober Da Bakod (theme song) na sitcom ni Donita Rose.”
Hirit naman ng rapper, “You’re so sharp. Kaya ikaw ang number one host, e.”
https://bandera.inquirer.net/293034/andrew-e-game-na-game-pa-rin-sa-halikan-sa-pelikula-naka-jackpot-sa-2-seksing-leading-lady
https://bandera.inquirer.net/291447/hipon-girl-type-makatambal-sina-coco-dingdong-at-derek-may-hugot-sa-germs
https://bandera.inquirer.net/292503/ken-sanya-may-bagong-alay-kay-kuya-germs-feeling-namin-patuloy-pa-rin-niya-kaming-mina-manage
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.