Herlene Budol humiling ng dasal para sa lolang may sakit: Mga KaHiponatics humihingi ako ng prayers para kay Nanay Bireng…
Herlene Budol at Nanay Bireng
HABANG super busy sa mga pre-pageant activities ng Binibining Pilipinas 2022 pageant, inaalala rin ngayon ni Herlene Budol ang health condition ng kanyang lola.
Ibinahagi ng Kapuso TV host-comedian at aspiring beauty queen ang kalagayan ng pinakamamahal niyang si Lola Bireng na nasa kritikal daw na sitwasyon sa isang hospital.
Sa pamamagitan ng kanyang Instagram account, ipinost ni Herlene na naunang nakilala bilang Hipon Girl, ang litrato ng kanyang lola na naka-confine nga sa ospital.
Sa caption na inilagay niya, hiniling ni Herlene sa kanyang fans at social media followers na ipagdasal si Lola Bireng na gumaling na sa kanyang mga iniindang sakit.
View this post on Instagram
“Dear Lord, nais ko lamang dalhin sa iyo ang aking mahal na lola si Nanay Bireng dahil sya ay may sakit at hinihiling ko lamang sa panginoon, na hawakan mo sya ng iyong mga kamay na nagpapagaling at ibalik sya sa buong kalusugan at lakas,” simulang pahayag ng Binibining Pilipinas candidate.
Pagpapatuloy pa niya, “Lord, alam ko rin na tumatanda na siya at medyo malubha ang lagay nya ngayon. Pilit kong e ahon ang buhay ko para din po sa kanila.
“Gusto ko rin makabawi at mabigyan at maranasan nila ang magandang buhay dahil sila ni lolo kung tawagin ko Tatay Oreng ang nag aruga sa akin ng dalawampu’t dalawa taon sa mundo,” dagdag mensahe pa ni Herlene.
Sa huli, nakiusap nga siya sa kanyang mga tagasuporta, “Mga KaSquammy, KaHiponatics at KaBudol ko dyan…
“Humingi ako sa inyo ng prayers para kay Nanay Bireng ko dahil naniniwala ako pag maraming Prayer warriors maririnig din tayo sa itaas,” lahad pa ni Herlene Budol.
https://bandera.inquirer.net/314425/herlene-budol-binabatikos-ng-mga-netizens-i-love-the-duality
https://bandera.inquirer.net/304563/herlene-budol-hindi-kumita-sa-mga-naunang-vlogs-nakakalungkot-lang-isipin-kasi-kahit-kani-kanino-ako-nagtiwala
https://bandera.inquirer.net/289284/herlene-budol-bumuwelta-sa-mga-golden-bashers-may-hiling-para-sa-magulang-nina-toni-at-alex
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.