KUMPIRMADO na ang pagbabalik ng nag-iisang dyosa na si Anne Curtis sa noontime show na “It’s Showtime”.
Ang naturang balita ay ibinahagi na ng TV host-actress ang kanyang comeback nitong Biyernes, May 27, sa kanyang mga social media pages.
“This time. Tomorrow. FINALLY. See you MADLANG PEOPLE!” caption ni Anne sa kanyang post na may hashtag pang “#ANNEditoNaSaShowtime”.
Sa video ay mapapanood ang ina ni Dahlia na nasa helipad ng ABS-CBN Building, bumaba ng hagdan at naglakad papuntang “It’s Showtime” studio.
Mahigit dalawang taon ring hindi napanood si Anne sa naturang noontime show matapos itong magpaalam pansamantala dahil sa kanyang pagbubuntis sa first baby nila ni Erwan Heussaff.
Natapat rin na nagkaroon ng COVID-19 pandemic kaya hindi rin nakauwi ang aktres sa Pilipinas at nanatili sa Australia kung saan siya nanganak.
Labis rin ang excitement na nararamdaman ng Unkabogable Star na si Vice Ganda sa muli nilang pagsasama ni Anne sa “It’s Showtime” stage.
Sa kanilang segment na “Showtime Sexy Babe” ay napag-usapan nila Vice kasama sina Vhong at Ogie ang mangyayaring pagbabalik ng aktres at sinabing two weeks daw nag-prepare para sa production number ng nag-iisang dyosa sa kanyang pagbabalik.
Maski sa kanyang Twitter account ay inihayag niya ang kanyang nadarama.
“Showtime welcomes back @annecurtissmith chumorow. Excited much!!!” sey ni Vice.
Ni-retweet naman ito ni Anne at nireplyan ng “See you sisterette!”
Kaya naman paniguradong abang na abang na ang madlang pipol sa magiging pasabog sa “It’s Showtime” ngayong Sabado dahil for sure ay hindi magpapakabog ang mga ito sa pagbabalik ng nag-iisang dyosa.
Related Chika:
Anne Curtis muling nakipagkulitan sa ‘It’s Showtime’ family, balik noontime show na kaya?
Anne Curtis inilantad na rin ang tunay na ‘kulay’ sa politika
Anne Curtis magbabalik na sa ‘It’s Showtime’: AbangANNE!