Pia, Iris, Demi-Leigh handang-handa na sa Miss Universe PH 2022 finals; may pa-trivia pa sa kanilang winning moment

Demi-Leigh Tebow, Iris Mittenaere at Pia Wurtzbach

PARANG mga batang nagtatalon at nagtawanan ang tatlong Miss Universe queen na sina Pia Wurtzbach, Iris Mittenaere at Demi-Leigh Tebow nang muling magkita-kita dito sa Pilipinas kahapon.

Tuwang-tuwa at super excited ang mga reyna ng universe nang magsama-sama para sa kanilang rehearsal bilang hosts ng Miss Universe Philippines 2022 pageant sa Mall of Asia Arena.

Sa kanyang Instagram account, nag-post si Iris, ang Miss Universe 2016 mula sa France, ng ilang litrato kasama sina Miss Universe 2015 Pia at Miss Universe 2017 Demi-Leigh mula sa South Africa.

“First day in the Philippines. Today was rehearsals, with the best snack from Jollibee have you ever tried it? So happy to be reunited with my sisters @piawurtzbach and @demitebow,” ang caption ni Iris sa kanyang post.

Nagbahagi rin si Pia ng photos nilang tatlo na may caption na, “Reunited and it feels so gooooood!”

Sa official Instagram page naman ng Miss Universe, muling ibinandera ng tatlong beauty queen ang kanilang excitement hindi lang para sa muli nilang pagsasama-sama bilang magkakaibigan kundi pati na rin ang pagiging hosts ng Miss Universe Philippines pageant.

“Hey everyone, we are in the Philippines, reunited, we are so excited,” chika ni Demi sa kanilang video.

Naikuwento rin nila ang ilang fun facts tungkol sa kanilang winning moments.

“Pia crowned me (here in the same venue),” pahayag ni Iris.

“And Iris crowned me and I crowned another Filipina so, so excited to be here. We are all hosting the Miss Universe Philippines show tomorrow,” sabi ni Demi.

Hirit naman ni Pia, “We are so excited to share with you guys the surprises we have in store. So I hope you guys tune in tomorrow for the finals.”

“How are you guys feeling?” tanong ni Demi. Na sinagot nga ni Iris ng, “Oh my god I’m so excited to be here with you. It’s been a long time.“

Sey naman ni Pia sa dalawang reyna, “I know, I haven’t seen you guys in so long!

“It’s going to be amazing,” sabi ni Iris.

“Yeah, you gotta watch! Don’t miss out,” hirit uli ni Demi.

Last Thursday, April 28, ibinahagi ni Demi ang ilang activities na ginawa niya pagdating ng Manila sa pamamagitan din ng IG, “It’s Pageant week everyone! So honored and excited to be back in the Philippines and to be a part of the coronation of @themissuniverseph this weekend!”

Gabi naman ng Huwebes nang dumating si Iris sa bansa at agad na rumampa kinabukasan para sa kanyang mga aktibidad.

Nasa Pilipinas din ngayon si Miss Universe 2021 Harnaaz Sandhu mula sa India na naging bahagi naman ng Miss Universe Philippines preliminary show bilang hurado.

Ngayong gabi na magaganap ang pinakahihintay na grand coronation night ng Miss Universe Philippines 2022 pageant sa Mall of Asia Arena.

https://bandera.inquirer.net/312112/miss-universe-2017-demi-leigh-tebow-dumating-na-sa-manila-im-so-happy-to-be-here

https://bandera.inquirer.net/279969/pia-wurtzbach-nagpakabaliw-dahil-sa-lalaki-kinalimutan-ang-pamilya-at-career

https://bandera.inquirer.net/312024/pia-super-excited-na-sa-reunion-nila-nina-demi-tebow-at-iris-mittenaere-catriona-gora-kaya-sa-miss-universe-ph-2022-finals