Regine, Ogie super happy sa ‘partnership’ ng ABS-CBN at GMA; John Arcilla may pa-GAMBAS pa
Ogie Alcasid, Regine Velasquez at John Arcilla
TUWANG-TUWA ang mga dating Kapuso stars na Kapamilya na ngayon sa historic partnership ng ABS-CBN at GMA 7.
Ito nga yung pagsasanib-pwersa ng dalawang “magkalabang” TV station kung saan mapapanood na ang mga blockbuster movies ng Star Cinema sa iba’t ibang platforms ng Kapuso network.
Nauna nang nagpahayag ng kanilang positibong komento sa kasunduan ng ABS-CBN at GMA 7 ang mga anchors ng “TV Patrol” na sina Bernadette Sembrano at Karen Davila pati na ang dating Kapamilya na si Kim Atienza.
Kasunod nga nito, binati rin ng mga dating GMA stars ang dalawang TV network kabilang na ang mag-asawang Regine Velasquez at Ogie Alcasid.
Sa kanyang Instagram account, ipinost ng Asia’s Songbird ang screenshot ng teaser ng GMA na, “Star Cinema is now on GMA.” Nilagyan niya ito ng caption na, “WOW!!!!”
Sa sumunod niyang IG post, makikita naman ang art card announcing the partnership with the caption, “#KapamilyaAtKapuso.”
View this post on Instagram
Nagkomento naman ang mister ni Regine na si Ogie sa nasabing post, “This is so awesome.”
Samantala, winner na winner din ang naging pahayag ng “FPJ’s Ang Probinsyano” actor na si John Arcilla tungkol sa partnership. Marami na ring nagawang projects ang aktor sa GMA.
Sa mahaba niyang IG post, tinawag pa niyang “GAMBAS” ang ABS-CBN at GMA (pinagrambol-rambol na letters ng dalawang istasyon).
Narito ang buong mensahe ni John, “I REALLY LOVE GAMBAS! This is such a very nice move altogether. May this partnership bring the ‘fan-thinkings’ into a new level.
“That everyone can be friends for the better and for everyones advantage. That there is no point of hating each other since the people we’re trying to fight for can actually agree and befriend each other.
“Hope this will liberate the minds of fanatics about the culture of ‘HATE’ that it is more enriching to LOVE and SUPPORT the people we love and the SHOWBUSSINESS in general.
“That looking at the good sides of each celebrities than picking on each other’s imperfections are more exciting.
“After all nobody’s really perfect and that includes us as fans. So let us all discourage the opportunies for HATE to reign.
“Talaga nga naman na mas Radikal ang magmahal sa mga panahon na ito. God bless everyone. No bashers and trolls allowed. PEACE.”
https://bandera.inquirer.net/310055/kapamilya-kapuso-stars-nagpiyesta-sa-pagsasanib-pwersa-ng-abs-cbn-at-gma-goodbye-network-war
https://bandera.inquirer.net/285258/cathy-molina-iniwan-na-nga-ba-ang-abs-cbn-at-star-cinema-dahil-kay-willie
https://bandera.inquirer.net/306876/tv5-kumu-cornerstone-sanib-pwersa-para-sa-top-class-the-rise-to-p-pop-stardom
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.