Julia nakaiwas sa pambu-bully noong high school; umaming na-attach kay Awra
Awra Briguela, Julia Barretto, Ella Cruz at Andrea Babierra
BINABAGYO ng suwerte ngayon si Julia Barretto. Pagpasok pa lang ng 2022 ay sunud-sunod na ang kanyang mga proyekto.
Habang ipinalalabas ngayon sa Vivamax ang horror movie niyang “Bahay Na Pula” kasama sina Xian Lim at Marco Gumabao, may follow-up project na agad siya, ang Vivamax youth oriented original series na “The Seniors.”
Makakasama ni Julia rito sina Ella Cruz, Awra Briguela, Andrea Babierra, Gab Lagman at Andrei Yllana.
Ito’y mula sa produksyon ng engaged couple na sina Direk Dan Villegas at Antoniette Jadaone at sa direksyon ng award-winning short filmmaker na si Shaira Advincula-Antonio.
“This is my second series for Viva after ‘Di Na Muli.’ It’s about Gen Z students in the province, Pacaque Rural High School.
“I play Diana, a city girl from Manila na lumipat sa province at yun, she’s a game changer kaya na-threaten sa akin yung mean girls doon sa school and hina-harass nila ako.
“But off cam, nag-bonding kami agad. Na-attach ako kay Awra and Ella is really so thoughtful, si Andrea naman, I have a soft spot for newcomers and she’s really great. Sana may season 2 kami,” pahayag ni Julia sa naganap na virtual mediacon ng nasabing Vivamax series.
View this post on Instagram
Natanong din si Julia kung nakaranas din ba siya ng pambu-bully noong estudyante pa lamang siya.
“No. My mom requested me to finish high school and I did, pero sa home study program ako, e. But here, we portray bullying situations na nangyayari talaga in schools,” sagot ng dalaga.
Samantala, nag-enjoy naman daw si Julia sa lock-in taping nila para sa “The Seniors” at marami rin siyang natutunan sa batambatang direktor nilang si Shaira.
“She’s very young, only 25 years old, pareho lang kaming Gen Z, so we can easily relate with each other. She’s great, a bad ass, I wanna work with her again.
“She knows the material about high school life and young viewers can easily relate with what the characters go through in the series,” aniya pa patungkol kay Shaira Advincula-Antonio na isang film major at nagtapos sa UP noong 2018.
Sa kanyang edad, matatawa na rin siyang award-winning short filmmaker mula sa South Cotabato. Ang obra niyang “Tembong” ay nakaikot na sa iba’t ibang international short film festivals.
Magsisimula na ang “The Seniors” sa March 20 sa Vivamax.
https://bandera.inquirer.net/286506/awra-matagal-nanahimik-sa-socmed-nasa-point-pa-rin-ako-ngayon-na-naghi-heal
https://bandera.inquirer.net/305719/francine-diaz-deadma-sa-bashers-may-masasabit-masasabi-sila-sa-yo
https://bandera.inquirer.net/299642/awra-nagpa-house-tour-sa-bonggang-bahay-dito-namin-sasalubungin-ang-pasko-at-new-year
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.