Piolo umaming hindi naliligo, nakahubad lang habang nasa Batangas farm; niregaluhan ang sarili ng chicharon
Piolo Pascual
INAMIN ng Kapamilya actor-singer na si Piolo Pascual na may mga araw na hindi siya naliligo at palagi lang nakahubad noong na-lockdown siya sa probinsya.
Nagkuwento si Papa P tungkol sa naging simpleng buhay niya sa kanyang rest house sa Batangas nang magsimula ang pandemya taong 2020.
Aniya, halos dalawang taon din siyang nanirahan doon bilang ordinaryong tao sa gitna ng COVID-19 pandemic kaya naman napakarami niyang realizations sa buhay.
Sey ni Piolo, in-enjoy niya nang bonggang-bongga ang promdi at farm life sa loob ng mahabang panahon kaya naman feeling niya nasobrahan na ang pagiging komportable niya sa mga simpleng bagay.
“Parang sumobra ‘yung pagiging comfortable ko sa pahinga that I just wanted to get rid of anything na hindi naman kailangan. To the point that you know, I was just living a basic life every day for several months,” sabi ni Piolo sa digital mediacon ng “Sun Life: Partner in Health” kung saan isa siya sa mga celebrity ambassadors along with Charo Santos and Matteo Guidicelli.
At dito nga niya nabanggit na may mga araw na hindi siya naliligo at nakahubad lang habang nasa bahay. Wala naman din daw kasi siyang ginagawa roon kaya keri lang sa kanya ang walag ligo.
“There were days na hindi ako naliligo, there are days na hindi ako nakadamit. You know, I’m just roaming around the property, so it’s hard to kinda you know, ask me to do stuff for work.
“It was really hard for my handler, my manager to get me to do videos,” sey pa ng binata.
Nagpapasalamat din si Papa P sa Panginoong Diyos dahil hindi siya nagkasakit pati na ang kanyang pamilya sa panahon ng pandemya.
“Mabait ang Diyos, hindi tayo nagkasakit, even my family,” aniya pa.
Anu-ano naman ang mga natutunan o naging realizations sa panahon ng COVID-19 pandemic? “I guess, for me, isa na rito ang mga bagay na gusto ko pang gawin sa buhay, you know, such as acting projects, movies that I’d like to produce, businesses that I’d like to pursue, and siyempre, people I wanna spend time with – my family, my mom, my son and my loved ones.
“That’s why, I guess, ganoon ko alagaan ang health ko because I know it’s worth it,” chika pa ni Papa P.
Naniniwala naman si Piolo na dapat ay balanse rin ang buhay kaya hindi rin naman niya pinagkakaitan ang sarili sa mga bagay na gusto niyang gawin. Kaya naman after ng isa niyang lock-in taping para sa bago niyang project ay kumain agad siya ng chicharon.
“I don’t want the feeling of deprivation. I always believe in balance, so I just came out of the bubble I did a show for two weeks, and as soon as I got out I rewarded myself a plastic of chicharon.
View this post on Instagram
“Once in a while you have to indulge and as long as you were able to work out and it’s nice to feel that your rewarding yourself once in a while specially during the pandemic when you don’t have to look a certain way there were times you look sluggish and not feeling like not to work out.
“But you have to pick yourself up and be fair, it’s not all about feeling good but also you are rewarding yourself, you feel you don’t wanna work out give yourself a day off or two then get back on your feet. It’s a matter of balance for me,” aniya pa.
Samantala, ibinalita nga nina Piolo, Charo at Matteo na magkakaroon ang Sun Life ng series ng webinars (Safe Space) hinggil sa mental health na isasagawa nila katulong ang Philippine Mental Health Association, Inc. (PMHA).
Ang pilot stream ay may titulong “Love ’em, Hate ’em, Stress ’em: Mental Wellness for the Family” na magaganap sa April 9. Susundan ito ng “Imperfect Balance: How Mental Wellness Bridges Work and Life” sa May 14.
Magtatapos ang series ng webinar sa June 18 na naka-focus naman sa “You are Worth It: Illuminating a Path towards Holistic Health.”
Kung gusto mong magkaroon ng health protection product, maaari kang mamili sa Sun First Aid Plus, Sun Fit & Well Advantage, at Sun ICU Protect. May free consultation para rito o kumonek sa www.bit.ly/advisormatch.
“As we continuously endeavor to bring our lives back to normal, let us not forget the lessons we have learned from the past two years. Our health is an important factor in securing a brighter future, and so keeping ourselves healthy is truly worth it,” ang pahayag ni Sun Life President Alex Narciso.
“It would be Sun Life’s honor to walk this journey with them. With this campaign, we are reemphasizing our commitment to be the Filipino’s partner in health,” aniya pa.
Piolo sa pagbabalik-ABS-CBN: Ito ang pamilya ko, ito ‘yung bahay ko!
Heaven nagkaroon ng instant ‘Science lesson’ sa kanyang b-day post
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.