Aktor, non-showbiz GF muntik nang maghiwalay dahil sa sobrang stress sa mga bayarin

MABUTI naman at naayos na ng aktor ang gusot nito sa kanyang girlfriend dahil sayang naman ang pinagsamahan nila at kung paano niya ito ipinaglaban noon.

Tsika ng aming source, “Tungkol sa work ang isyu at plano ni girl magpalipas muna at gustong umuwi sa kanila. Si _____ (aktor) siyempre ayaw kasi nga pag nangyari ‘yun, alam na niya ang mangyayari saka ano sasabihin ng magulang ni girl.”

Si aktor ay naging kontroberysal noon dahil inakala ng netizens na makakatuluyan nito ang kapartner niyang aktres sa pelikulang tumabo sa takilya ilang taon na ang nakararaan kasi nga lagi silang lumalabas pagkatapos ng pelikula.

Ang daming pabor kina aktor at aktres at bagay na bagay daw kaya halos laman sila sa lahat ng balita, pero isang araw nagulat na lang ang netizens na hindi na nagkikita ang dalawa dahil may iba nang dine-date ang binata.

Si aktres ay wala ring maisagot kapag natatanong ng mga kaibigan dahil wala naman daw silang pinag-awayan.

Siyempre na-bash nang todo si aktor pati ang babaeng dine-date niya na tinanggap naman nila ito at ni minsan ay hindi sumagot ang binata, as in dedma siya.

Nagsawa na rin ang bashers kay aktor kaya okay na at tanggap na rin ang kasalukuyang kasintahan niya ngayon at heto nga nagkaroon pa ng isyu.

Tinanong namin kung posibleng mauwi sa hiwalayan ang relasyon ng dalawa, “Basta sabi lang ni _____ (girlfriend) gusto niyang magpalipas muna kaya uuwi sa kanila. ‘Yun ang saktong sinabi.

“Itong si ____ (aktor) hindi nga pumayag tapos nagkasagutan hindi nagkikibuan ilang araw, then paggising ko, okay na sila. Sabi niya ____ (aktor), ‘okay na kami.’

“Feeling ko stress sila kasi ang daming bayarin tapos walang project ngayon si _____ (aktor), hirap din kasing mag-maintain sa nakasanayang lifestyle,” kuwento pa ng aming source.

Tsinek namin ang Instagram account ng aktor at ng girlfriend niya pero parang wala rin naman kaming nakitang ganu’n labongga ang lifestyle nila dahil napakasimple lang ng pamumuhay nila.
At base rin sa mga panayam namin dati kay aktor simpleng tao lang siya at wala kaming alam na may bisyo siya maliban sa paglalaro ng Mobile Legends at pagmomotor.

https://bandera.inquirer.net/294971/aktor-na-nasisisi-sa-hiwalayan-nila-ng-magandang-aktres-magsasalita-na-aaminin-kayang-si-girl-ang-unang-mangaliwa

https://bandera.inquirer.net/294953/kilalang-aktor-sinisisi-bakit-hiniwalayan-ng-magandang-aktres-walang-kasalanan-dahil-si-aktres-ang-unang-nangaliwa