#SanaAll: Gerald niregaluhan ng Rolex watch si Julia last Christmas
Julia Barretto at Gerald Anderson
GRABE ang tuwa ni Julia Barretto nang matanggap ang bonggang regalo ng dyowa niyang si Gerald Anderson nitong nagdaang holiday season.
Kitang-kita ang naging reaksyon ng young actress sa isang video na kumalat sa social media nang iabot na sa kanya ni Gerald ang Rolex watch bilang Christmas gift.
Ang nasabing video clip ay in-upload ng nanay ni Julia na si Marjorie Barretto na kuha sa kanilang Christmas celebration.
Nabanggit ni Julia na ang Christmas gift sa kanya ng boyfriend ang kauna-unahan niyang Rolex kaya naman abot-langit talaga ang kanyang tuwa.
Todo ang pasasalamat ng dalaga kay Gerald at isinuot agad ang super expensive watch.
In fairness, hindi raw niya in-expect na ganu’n kabongga ang matatanggap niya mula sa super generous na boyfriend.
Hindi naman ipinakita sa video ni Marjorie kung ano naman ang iniregalo ng aktres sa hunk actor.
At bukod sa mamahalin niyang gift kay Julia, meron din siyang regalo para sa mga kapatid ng girlfriend pati na kay Marjorie. In fact, tuwang-tuwa ang kanilang bunso na si Erich sa regalo ni Gerald na malaking Hello Kitty toy.
Hindi naman nakalimutan ni Julia na pasalamatan ang kanyang nanay sa pagmamahal at sa patuloy na pagsasakripisyo nito para sa kanilang pamilya.
“You’re still life’s greatest gift of all — my best friend, my number one, my home. I will forever find comfort in your arms. Even when I’m 75, I will still need you most. I love you more than you can ever imagine,” mensahe ni Julia kay Marjorie.
View this post on Instagram
Narito naman ang ilan sa mga positibong komento ng mga netizens sa napanood nilang video.
“Ang sweet ni Gerald sa family nyo. Kitang kita love nya talaga kayo!”
“Alam nya kung ano right gift for Julia and the family! So happy to see him happy with the Barrettos! Merry Christmas Guys! Stay safe and happy everyone!! I love the closeness of your family. Happy to see Gerald blends in very well. God bless you all!”
“Wow really good family Christmas celebration the food are so yummy ms Marjorie your kids are so lucky to have a mom like you super mom and your house looks beautiful the Christmas set up for your dinning table and food table buffet and good to see Gerald celebrating Christmas with your family ms Marjorie and you have all the nice Christmas presents.”
Nauna rito, ibinahagi rin ni Marjorie sa kanyang YouTube channel ang ilang kaganapan sa kanilang family intimate Christmas celebration kasama ang mga anak, kabilang na nga si Gerald.
Naroon din si Dani Barretto, ang asawa nitong si Xavi Panlilio at anak nilang si Millie.
Kuwento ni Marjorie, siya mismo ang naghanda ng mga pagkaing pinagsaluhan nila noong Noche Buena.
Bukod sa mga kwintas, nakatanggap din ang dating aktres ng mga sulat mula sa kanyang mga anak.
Banta ni Marjorie sa mga naninira kay Julia: Buhay na buhay pa ang nanay niya!
Claudine, Marjorie magkasama sa New Year’s party ng Barretto family: nagkabati na nga ba?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.