Hirit ni Heart kay Chiz: Grabe…mawala na lahat, ‘wag lang ako!
Chiz Escudero at Heart Evangelista
MAGKASAMANG sinalubong ng Kapuso actress na si Heart Evangelista at ng asawa niyang si Chiz Escudero ang Bagong Taon with matching party-party!
Nakasama rin nila sa pagse-celebrate ang ilan sa malalapit nilang kaibigan pati na ang fraternal twins ni Gov. Chiz na sina Chesi at Quijo na talagang super nag-enjoy din sa pag-welcome nila sa 2022.
Nag-post pa nga ang tinaguriang Kapuso Queen of Creative Collaborations ng ilang litrato sa social media na kuha sa Las Vegas, Nevada.
Sabi ng Kapuso star sa caption ng kanyang IG post, “Sometimes all we need is a fresh start. Cheers to a whole new chapter of our lives!”
Bago tuluyang magpaalam ang 2021, nagkuwento pa si Heart tungkol sa relasyon nila ni Chiz at kung paano niya nalaman na si Gov. Chiz na nga ang “the one” para sa kanya.
Nagbigay din siya ng ilang detalye kung paano siya ipinaglaban ni Chiz noong panahong halos buong mundo ay kumokontra sa kanilang relasyon at pagmamahalan.
Idinaan ni Heart sa isang TikTok video ang pagkukuwento kung paano pinagtibay ng mga pagsubok ang samahan nila ng politiko at kung bakit hanggang ngayon ay solid na solid pa rin sila bilang mag-asawa.
“I just thought that he has this sort of gravitas. He was so dignified, and so calm… he was like an encyclopedia.
“He was nice, he was smart, he was so romantic, eventually. I met a lot of wonderful people, but I just met somebody greater than all of them and I felt that I think this time around I should fight for him,” pahayag ng aktres.
Inalala rin niya kung paano nag-react ang kanyang mga magulang nang malaman ng mga ito na nagde-date na sila ni Chiz. Alam naman ng publiko kung paano kinontra ng parents ni Heart ang pakikipagrelasyon ng kanilang anak sa governor ng Sorsogon.
Pero sabi ng aktres, “Surprisingly, he did something that I couldn’t imagine…especially it was election time. People were telling him, break up na, but yeah, he fought for me.
“It was the first time anyone did that for me, and he wanted me to be in his life, no matter what, kahit na mahirap — okay lang,” diin pa ng Kapuso star.
At sa huling bahagi ng kanyang TikTok video, buong-ningning na nasabi ni Heart ang mga katagang, “And — grabe…mawala na lahat, ‘wag lang ako.”
View this post on Instagram
Samantala, aliw din ang “cheese burger collab” ng mag-asawa na mapapanood sa Instagram reel ni Heart na may titulong, “Chiz Burger.” Dito sabay gumawa ang mag-asawa ng homemade burgers.
Ipinakita ng aktres kung paano niya inihanda ang burger buns with cheese on top pati ang paglalagay nito sa oven toaster habang si Chiz ang nagluto ng burger patties.
Sey ni Heart, “Ipapatong ko na ‘yung cheese dito, tapos i-toast na natin para beautifully mag-melt ‘yung cheese.
“Wala pa ‘yung burger. Habang niluluto mo ‘yung burger, ito ‘yung gagawin ko,” aniya pa.
Pero may ibang style raw na naiisip ang politiko sa pagpe-prepare ng cheeseburger.
Kaya naman sabi na lang ni Heart sa asawa, “Kung ano na lang tama na gusto mong gawin.”
https://bandera.inquirer.net/295383/heart-muntik-nang-hiwalayan-noon-si-chiz-feeling-ko-isa-akong-sumpa
https://bandera.inquirer.net/291891/heart-sa-reaksyon-ni-chiz-pag-nagsa-shopping-napipikon-siya-sa-akin-ilang-bibig-na-ang-napakain-mo-riyan
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.