Kathryn nagpaka-fan girl; tuwang-tuwa nang makita nang personal si Hidilyn Diaz
Daniel Padilla, Hidilyn Diaz at Kathryn Bernardo
NAGPAKA-FAN girl ang Box-office Queen at award-winning actress na si Kathryn Bernardo nang ma-meet up close and personal ang Olympic gold medalist na si Hidilyn Diaz.
Kitang-kita sa mga litratong ibinahagi ng Kapamilya superstar sa social media ang kanyang kaligayahan with matching kilig nang makapagpa-picture siya kay Hidilyn.
Sa pamamagitan ng Instagram, ipinost ni Kathryn ang ilang photos nila ng weightlifting champ kung saan nakasama rin nila si Daniel Padilla.
Kung hindi kami nagkakamali, kuha ang mga ito sa ginanap na ABS-CBN Christmas Special last week kung saan nagsama-sama ang malalaki at bigating Kapamilya artists pati na ang mga personalidad na nagmarka sa buong mundo ngayong 2021.
View this post on Instagram
“Literally flexing because we got to take a photo with our champ, @hidilyndiaz! So happy to finally meet her in person,” ang caption na isinulat ni Kathryn sa caption ng kanyang IG post.
Sa isang snapshot na ipinost ni Kathryn kung saan napatakip pa siya sa mukha gamit ang mga kamay ay makikita ang sobra niyang kaligayahan nang makaharap at makausap si Hidilyn.
Samantala, nag-share rin si Hidilyn sa sarili niyang IG page ng mga litrato na kuha sa nasabing Kapamilya event kabilang na ang mga kuha niya kasama ang tambalang KathNiel at iba pang sikat na ABS-CBN artists.
Sabi ng Olympic gold medalist, “Hindi ko ma-imagine na mapupunta ako sa ganitong event and I felt so loved!
“What a way to end my year, kasama ang mga iniidolo ko po!” mensahe pa ni Hidilyn, na siyang kauna-unahang Filipino athlete na nakapag-uwi ng gold medal mula sa Tokyo Olympics.
Kung matatandaan, nitong Hulyo, 2021 si Hidilyn ang itinanghal na champion sa 55-kg weightlifting competition at nangwasak pa sa ilang Olympic record.
https://bandera.inquirer.net/289293/hirit-ni-hidilyn-matapos-magwagi-ng-gold-sa-tokyo-2020-olympic-games-yes-kakain-talaga-ako-ng-marami-ngayon
https://bandera.inquirer.net/289715/cash-reward-ni-hidilyn-umabot-na-sa-p50-m-nakiusap-para-sa-mga-atletang-pinoy
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.