Christian, Charo waging best actor at best actress sa MMFF 2021; Daniel naiuwi ang Special Jury Award

Daniel Padilla, Charo Santos at Christian Bables

“BIG NIGHT” talaga para sa mga producer, director at buong production ng pelikulang “Big Night” na pinagbidahan ni Christian Bables ang naganap na 2021 Metro Manila Film Festival Gabi ng Parangal.

Walong tropeo ang naiuwi nila kagabi sa ginanap na awards night  na ginanap sa Samsung Theater, SM Aura, Bonifacio Global City sa Taguig City.

Nakaanim na awards naman ang “Kun Maupay Man It Panahon” ng Star Cinrma at apat para sa “A Hard Day” ng Viva Films.

Nasulat na namin dito sa BANDERA na mahusay si Christian sa “Big Night” na kahit bading uli ang karakter ay ibang-iba pa rin sa mga nauna niyang gay role sa “Die Beautiful” at “Panti Sisters.”

Tatlo lang ang tinayaan naming posibleng manalo sa pagka-best actor sa Gabi ng Parangal — sina Christian Bables, Dingdong Dantes at John Arcilla at ang una nga ang nagwagi.

Hindi naman nabigo si dating ABS-CBN President at CEO Charo Santos-Concio na itinanghal namang best actress para sa pelikulang “Kun Maupay Man It Panahon”.

Pero hindi niya personal na nakuha ang tropeo dahil nasa hospital siya para bantayan ang asawa na sasailalim daw sa surgery ngayong araw.

Si John Arcilla ang nanalong best supporting actor para sa “Big Night” na nominado rin sa “A Hard Day.” Inakala ng lahat na sa pelikula nila ni Dingdong siya mapapansin ng mga hurado, pero sa “Big Night” siya nanalo.

View this post on Instagram

A post shared by Christian Bables (@christiaaan06)

Narito ang kumpletong listahan ng ng mga nagwagi sa 2021 MMFF Gabi ng Parangal.

Best Picture — Big Night, 

Second Best Picture — Kun Maupay Man It Panahon

Third Best Picture — A Hard Day

Best Actress — Charo Santos-Concio, Kun Maupay Man It Panahon

Best Actor —Christian Bables, Big Night

Best Supporting Actress — Rans Rifol, Kun Maupay Man It Panahon

Best Supporting Actor — John Arcilla, Big Night

Special Jury Award — Daniel Padilla, Kun Maupay Man It Panahon

Best Director & Best Screenplay — Jun Lana, Big Night

Best Cinematography — Carlo Canlas Mendoza, Big Night

Best Editing — Lawrence Fajardo, A Hard Day

Best Production Design — Juan Manuel Alcazaren, Kun Maupay Man It Panahon

Best Musical Score — Teresa Barrozo, Big Night

Best Sound — Albert Michael Idioma, A Hard Day

Best Visual Effects — Mofac Creative Works, Hue Media Quantum Post, Ogie Tiglao, Kun Maupay Man It Panahon

Best Theme Song — Umulan Man o Umaraw (Huling Ulan Ng Tag-Araw), Louie Ignacio

Gender Sensitivity Award — Big Night

FPJ Award — A Hard Day

Gatpuno Antonio J. Villegas Cultural Award — Kun Maupay Man It Panahon

Best Short Film Content Creator — Pio Balbuena’s Kandado

Best Float — Huwag Kang Lalabas (Obra Cinema)

Ang natatanging Gawad MMFF award naman ay ibinigay kay dating MMDA Chairman Danilo Lim at  kay National Artist Bienvenido Lumbera habang ang Manay Ichu Memorial Award naman ay iginawad sa veteran actress na si Rosa Rosal.

https://bandera.inquirer.net/301189/bakit-tinanggap-ni-charo-santos-concio-ang-pelikulang-kun-maupay-man-it-panahon

https://bandera.inquirer.net/291454/christian-bables-imposibleng-ma-in-love-sa-bading-my-preference-ay-hindi-po-same-sex

https://bandera.inquirer.net/291758/christian-bables-kahit-ipis-ang-role-payag-ako-basta-makatrabaho-ko-lang-si-joel-lamangan