‘The Clash 2021’ Top 5 matira-matibay na ang labanan sa final showdown
The Clash 2021 Top 5
SINO nga kaya ang tatanghaling Grand Clasher ngayong gabi sa magaganap na final showdown ng Top 5 contenders sa pinakaaabangang “The Final Clash 2021” ng GMA 7.
Aabot sa tumataginting na P4 million in cash and prizes ang maiuuwi ng tatanghaling champion, kabilang riyan ang P1 million in cash, house and lot from Camella, at exclusive contract with GMA.
Tonight, tutukan ang concert-level performance ng limang natitirang Clashers — sina Julia Serad, Lovely Restituto, Mariane Osabel, Mauie Francisco at Vilmark Viray.
Sa Round 6, magaganap na ang makapigil-hiningang “Matira Ang Pinakamatibay” kung saan pipiliin ang dalawa sa pinakamagaling na Clashers. Sila ang magtatapat sa face off para sa “The Final Clash”.
Marami pang nakahandang pasabog ang “The Clash 2021” ngayong huling gabi ng grand showdown, Dec. 19, 7:40 p.m. sa GMA 7.
Samantala, kagabi, sa naganap na amazing twist, ang tinaguriang Pampanga’s Kulot Crooner na si Vilmark Viray, na na-eliminate na sa previous round, ay nagawa pang nakabalik sa laban.
Ito’y matapos nga niyang matalo sa “Clashback” wildcard round ang iba pang natanggal na Season 4 Clashers na sina Raffy Roque, Ralph Padiernos, Jeffrey Roque, Sky Valentine at Fame Gomez.
Kasunod nito, pinatumba rin niya sa one-on-one Clash ang isa pang resbaker na si Renz Fernando.
Sa paglalaban-laban ng Top 6 Clashers kagabi, hindi na pinalad na makaabante ang binansagang Cavite’s Online Musikera na si Rare Columna na tuluyan nang natanggal sa Top 5.
Sino nga kaya ang tatanghaling Grand Clasher tonight? May huling pasabog na twist pa kaya ang mga The Clash judges na sina Comedy Concert Queen Ai Ai delas Alas, Asia’s Romantic Balladeer Christian Bautista, at Asia’s Nightingale Lani Misalucha?
Kaya huwag nang bibitiw sa huling biritan showdown ng Top sa “The Clash 2021” tonight sa GMA lang, hosted by Julie Anne San Jose at Rayver Cruz.
View this post on Instagram
https://bandera.inquirer.net/300159/the-clash-top-6-haharap-sa-pangmalakasang-twist-wala-nang-atrasan-sa-biritan-showdown
https://bandera.inquirer.net/295018/ai-ai-lani-christian-sa-the-clash-4-hinahanap-namin-total-package-pero-sana-mabait-walang-attitude
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.