Carla Abellana hindi pa pwedeng gamitin ang tunay na apelyido ni Tom Rodriguez
Carla Abellana at Tom Rodriguez
IPINALIWANAG ng Kapuso actress na si Carla Abellana sa mga nagtatanong at nagtataka kung bakit hindi pa niya ginagamit ang apelyido ni Tom Rodriguez kahit legal na silang mag-asawa.
Sa mga hindi pa nakakaalam, ang tunay na pangalan ni Tom ay Bartolome Alberto Mott pero hindi pa nga ito magamit ni Carla sa mga official transactions niya.
Sa bagong vlog entry ng aktres sa kanyang YouTube channel, binanggit niya na hindi pa kasi nari-release ang marriage certificate nila ni Tom kaya Abellana pa rin ang ginagamit niya sa official documents na pinipirmahan niya.
Pati raw ang ang kanyang passport na kare-renew lamang at iba pang government-issued documents ay Abellana pa rin ang nakalagay.
“None of my IDs say Mott (tawag niya kay Tom). For the longest time, it’s going to stay Abellana because my passport says Abellana and it’s valid for ten years.
“Bagong bago lang ang aking passport. Kaka-renew lang so Abellana pa ‘yun for the next 10 years. All my government-issued IDs are still Abellana so I have to write Abellana pa rin,” ang pahayag ni Carla.
Ang pagbabago ng civil status at apelyido ng isang tao sa Pilipinas ay nangangailangan ng marriage certificate at pagtungo sa iba’t ibang tanggapan ng gobyerno, kabilang na riyan ang Department of Foreign Affairs (DFA).
View this post on Instagram
Desisyon din daw ni Carla na huwag tanggalin ang Abellana sa kanyang mga social media accounts tulad din ng iba pang local celebrities like Solenn Heusaff and Jennylyn Mercado.
Ikinasal sina Tom at Carla sa pamamagitan ng isang intimate ceremony sa San Juan Nepomuceno Parish Church last Oct. 23. Nag-celebrate sila ng kanilang first month bilang mag-asawa sa isang Italian-Filipino restaurant sa Parañaque City.
Sa taong 2022, wish nina Tom at Carla na sana’y mabiyayaan na sila ng anak dahil matagal na rin nila itong ipinagdarasal.
Pahayag nga ng “To Love And To Hold” lead star, “We, honestly, don’t want to delay, di ba? We don’t want to delay anymore kasi isa rin ‘yun sa reasons kung bakit gusto na rin namin magpakasal.”
https://bandera.inquirer.net/296118/carla-abellana-tom-rodriguez-ikinasal-na
https://bandera.inquirer.net/295092/carla-nabili-ang-dream-wedding-gown-sa-us-nawala-lahat-ng-stress-at-iniyak-ko-sulit-talaga
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.