Nanay ni Diego nag-react sa mga tsismis kay AJ: May anak o wala, she’s a woman…ako po nanganak, naging single mom
AJ Raval, Teresa Loyzaga, Diego Loyzaga at Barbie Imperial
IPINAGTANGGOL ng nanay ni Diego Loyzaga na si Teresa Loyzaga ang controversial sexy actress na si AJ Raval sa mga malilisyosong bashers sa social media.
Bukod sa akusasyong “kabit” daw ang dalaga dahil sa pagpatol nito kay Diego na dyowa nga ni Barbie Imperial ay may itinatago rin umano itong anak sa Pampanga.
Mariing idinenay nina Diego at Barbie na nagkakalabuan sila nang dahil kay AJ. Ipinagsigawan pa nga ng Kapamilya actress na walang gusto si Diego kay AJ.
At habang mainit ngang pinagtsitsismisan ng mga “Maritess” ang issue ay dumepensa naman ang nanay ni Diego para linisin ang pangalan ni AJ.
Sa programang “Cristy Ferminute” ni Nanay Cristy Fermin sa Radyo Singko (Dec. 3 episode) ay napag-usapan nga ang chika tungkol kina AJ, Diego at Barbie.
View this post on Instagram
Habang pinag-uusapan nina Nay Cristy at co-host na si Romel Chika ang tungkol dito, biglang nabanggit na nag-text daw si Teresa. Ayon kay Nanay Cristy, nag-message ang veteran actress sa kanya na kasalukuyang nasa Perth, Australia.
Ayon kay Teresa, hindi fair para kay AJ, na anak ng aktor na si Jeric Raval, ang akusahan siya ng kung anu-ano lalo pa’t wala namang katotohanan ang mga ibinibintang sa kanya ng mga tao.
Sey pa ng nanay ni Diego, alam niya ang pakiramdam ng inaakusahan at tinatawag ng masasakit na salita dahil na-experience na rin niya ito noon.
Sabi ni Teresa, “Naranasan ko na sira-siraan noon. Ang paninira sa ibang tao ay hindi kahit minsan naging solusyon.
“Nakilala ko si AJ. She seems like a nice girl, and kilala ko rin ang dad niya,” pahayag ng aktres.
Aniya pa, “Sana tumigil na ang paninira. Life should be happy. Lahat nagkakamali at nadadapa.”
Tungkol naman sa chika na may anak na umano si AJ, sey ni Teresa, “Kahit may anak or wala, she is a woman. Ako po, nanganak at naging single mom.
“Let’s respect AJ also. Sana si Chismosong Frog ang layuan niya,” chika pa niya. Ang paniwala ng marami ay ang kontrobersyal na social media personality na si Xian Gaza ang tinutukoy niyang Chismosong Frog.
Si Xian kasi ang unang nagpakalat ng tsismis na may namamagitan umano kina Diego at AJ na pinalagan naman ni Barbie.
“Yung about doon kay AJ Raval, for me kasi, ‘di ba, if wala kang kinalaman, or alam mo naman na hindi ka kabit ni Diego, magsalita ka.
“For me, bakit parang gusto mo na nangyayari ‘to lahat, na nagka-thing kayo ni Diego? Gusto mo maging kabit? E, hindi ka nga gusto ng boyfriend ko,” matapang na sabi ni Barbie kay AJ.
Ito naman ang bwelta ni AJ sa pahayag ni Barbie sa isang interview, “Nu’ng oras po na ’yon parang nagtaka rin po ako saan po galing ’yong ganu’ng issue. Hindi naman din po ako nagalit. Parang wala lang po.
“Wala po akong reaction. Tapos parang gusto din po niya akong magsalita. Para saan po? Parang ganu’n. Alam naman po nilang dalawa na hindi totoo ’yon,” sey ng sexy star.
“I think my peace of mind comes from the fact that I did nothing wrong,” pahabol pa niya.
https://bandera.inquirer.net/299520/aj-nagsalita-na-ukol-sa-pagiging-kabit-never-po-nanligaw-si-diego-sa-akin
https://bandera.inquirer.net/282328/diego-kay-barbie-para-siyang-nanay-mag-alaga-pero-para-ring-baby
https://bandera.inquirer.net/299388/xian-gaza-nakunsensya-parang-sinira-ko-ang-buhay-ni-aj-raval
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.