Bea Gomez dedma pa rin sa isyu ng lovelife, excited nang lumaban sa 2021 Miss U: I’m ready to fight!
Bea Gomez
HANDANG-HANDA nang makipaglaban si Miss Universe Philippines 2021 Beatrice Luigi Gomez sa inaabangang 70th edition ng Miss Universe pageant.
Gaganapin ang grand coronation night para sa 2021 Miss Universe sa Universe Arena sa Eilat, Israel sa darating na Dec. 12.
Kagabi, Nov. 27, lumipad na patungong Israel si Bea kasama ang Miss Universe Philippines creative director na si Jonas Gaffud.
Talagang pinagkaguluhan ang dalaga nang dumating siya sa Ninoy Aquino International Airport para sa kanyang flight patungong Israel. In fact, nag-trending pa nga sa social media ang kanyang pag-alis.
Pahayag ng beauty queen, super excited na siyang makita at makasama nang personal ang iba pang kandidata.
“I’m excited to meet all of the girls. From what I know, some of them are already there so I wonder what it’s like out there. Excited na talaga po,” ang bahagi ng pahayag ng Pinay beauty queen sa panayam ni Dyan Castillejo.
Mariing sabi pa ni Bea sa pagrampa niya sa Miss Universe 2021 pageant, “I’m ready to fight, more than ready to fight.”
Nabanggit din ng dalaga na talagang pinagkasya niya sa limang luggage ang lahat ng kanyang mga damit, kabilang na ang mga gagamitin niya sa mga dadaluhang Miss Universe events.
Chika pa ni Bea, “We actually spent weeks to prepare all of my outfits. Ang sabi nga ni Mama J (Jonas Gaffud), of all the Miss Universe representatives, ako lang yung pinakakonti yung luggage na dala.
“I actually love travelling light so I’m glad na nagkasya lahat ng damit ko and exciting yung fashion statement ko ngayon,” sabi pa ni Bea na 16 days mamamalagi sa Israel.
View this post on Instagram
Bago ang pag-alis ni Bea, kinumpirma ng partner niyang si Kate Jagdon na totoong naghiwalay na sila. Naglabas ng official statement si Kate tungkol dito.
“It was a conscious decision to keep quiet, after all, this is a personal matter and I chose my privacy above everything else,”
“Bea and I have parted ways. I am simply taking this step to move forward and go on with my life. Nothing more. And I know you will continue to do so as I take the road to healing.
“We all go forward with love and respect, and I wish Bea the best of luck in her journey. At this moment, please respect my privacy and this will be the last time I will address the issue. Thank you,” mensahe pa ng ex-girlfriend ni Bea.
https://bandera.inquirer.net/294450/bea-gomez-sa-2021-miss-univese-ph-crown-ayoko-talagang-matulog-baka-dream-lang-lahat
https://bandera.inquirer.net/294653/bea-gomez-utang-ang-pagkapalo-sa-2021-miss-universe-ph-sa-mga-taong-hindi-nagduda-sa-kanya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.