Jerika Ejercito ipinakilala sa madlang pipol ang ika-5 anak; sa wakas nagka-baby girl din
Jerika Ejercito & Family
INILARAWAN ng anak ni dating Pangulong Joseph Estrada na si Jerika Ejercito na isang “beautiful miracle” ang ikalima niyang anak na si Baby Marta Eleanor.
Dininig na kasi ng Diyos ang matagal na nilang hiling at dasal ng kanyang Spanish husband na si Miquel Aquilar Garcia na magkaroon ng anak na babae.
Apat na lalaki kasi ang sunud-sunod na isinilang ni Jerika kaya feeling blessed ang kanilang pamilya dahil biniyayaan na sila sa wakas ng baby girl.
Sa kanyang Instagram account, ibinahagi ng celebrity mom ang ilang litrato na anak na babae na isinilang nitong Sept. 18, 2021.
Aniya sa caption, “We were not expecting her until the first week of October but God and Marta Eleanor had other plans…
“Our little girl is calm as can be, latches way better than all her kuyas, and loves being cuddled all throughout the day and night which I totally do not mind.
“She has invigorated our family by her presence; we are still reeling with excitement and joy just by having her,” mensahe pa ni Jerika gamit ang hashtag na #FiveAndDone. Ibig sabihin, si Baby Marta na ang magiging bunso ng kanilang family.
Sa huling bahagi ng kanyang caption, sinabi ni Jerika na, “…she was our missing piece. now we are COMPLETE.”
Ang apat pa niyang lalaking anak ay si Isaiah, ang kambal na sina Daniel at Michael at si Moises.
Noong April 4, 2021 ibinandera nina Jerika na nagdadalang-tao siya uli at sinabing ito’y isang, “beautiful miracle to keep our hearts hopeful for better and brighter days ahead.”
Naganap naman ang gender reveal noong April 30 kung saan nakasama pa ni Jerika ang kapatid na si Jake Ejercito at ang anak nitong si Ellie.
Sa Instagram photo nina Jerika at Ellie ay makikita ang hawak nilanh baby dress na may caption na, “We are so happy to announce that we are adding a new member to the Princess Tribe…WE ARE HAVING A BABY GIRL.”
Ikinasal sina Jerika at Miquel noong August, 2017, eksaktong limang buwan makalipas nilang ihayag ang kanilang engagement.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.