Carlo Biado, kampeon sa 2021 US Open Pool
Photo from Matchroom Pool
Makalipas ang halos tatlong dekada, isang Filipino billiard player ang muling itinanghal na US Open Pool champion.
Taong 1994 pa nang huling makuha ng pool legend na si Efren ‘Bata’ Reyes ang titulo, ngunit hindi na binitawan ng tubong-La Union na si Carlo Biado ang pagkakataong muling maiuwi ngayong taon ang kampeonato.
Tinalo niya si Singaporean Aloysius Yapp, 13-8, sa Harrah’s Resort sa Atlantic City, New Jersey ngayong Linggo (Manila time)
Lamang si Yapp, 8-3, nang sumablay ito sa pagtira sa 9-ball. Ginawa itong oportunidad ni Biado para maipasok ang ang 10 straight racks na nakapagbigay sa kanya ng titulo.
Hall of Fame status: 𝕝𝕠𝕔𝕜𝕖𝕕 𝕚𝕟
Carlo Biado joins the great Efren Bata Reyes as a Filipino representing US Open Champion#USOpenPool 🇺🇸 pic.twitter.com/ZGo2NbCcPE
— Matchroom Pool (@MatchroomPool) September 18, 2021
Naipaghiganti ni Biado ang kapwa Filipino na si Dennis Orcollo na tinalo ni Yapp sa semi-finals.
Ang dating world champion ay umabot sa finals nang talunin niya si Naoyuki Oi ng Japan, 11-9.
“I am very happy because this event is one of my dreams. I dedicate this to my family and to my baby. Thank you to all of you even during the pandemic you’re still here watching around the world,” sabi ni Biado.
Emotional Speech ✅
Green Jacket ✅
New Trophy ✅Carlo Biado is your 2021 US Open Pool Champion 🇺🇸#USOpenPool 🇺🇸 pic.twitter.com/jJy7lDcKjA
— Matchroom Pool (@MatchroomPool) September 18, 2021
Sa kanyang pagkakapanalo, naiuwi ng 37-anyos na si Biado ang $50,000 top prize o P2.5 milyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.