Lacson, sinabing may pondo para mabakunahan ang mga kabataan

Kasama na sa P57.3 bilyong inutang ng gobyerno para sa pagbili ng COVID-19 vaccines ang P25 bilyong kakailanganin para mabakunahan na rin ang mga kabataan.

Ito ang sinabi ni Sen. Panfilo Lacson at aniya, base sa datos mula sa Philippine Statistics Authority (PSA), kinakailangan lang ng P30.46 bilyon para bakunahan ang 68.2 milyong Filipino.

“Figures from the PSA as of March 28 this year shows the Philippines’ midyear population will reach 110,198,654 by July 1. Of this, 62 percent or 68.323 million are adults. If we multiply this by P446 per dose, including logistical costs, we will need about P30.472 billion to inoculate our adult Filipinos. Thus the difference of P26.83 billion is more than enough to cover the P25-billion requirement to procure the vaccines for our minors,” paliwanag ng senador.

Nabanggit din niya na ang sinabi ni vaccine czar Carlito Galvez Jr. na ang bansa ay may 68-milliion free doses, kasama na ang 44 milyon mula sa COVAX facility at 24 milyon mula sa dalawang brand ng bakuna.

Hiningi lang din niya ang mas malinaw na datos kaugnay sa national vaccination program dahil mahalaga ang bawat piso ng mamamayan.