OFWs na paalis ng bansa sa loob ng apat na buwan, kabilang na sa A1 priority list

Kasama na ngayon sa A1 priority list ng pagbabakuna kontra COVID-19 ang mga overseas Filipino worker na paalis na ng bansa sa loob ng apat na buwan.

Ayon kay Presidential Spokesman Harry Roque, kasama na rin sa A1 priority group ang family members ng health workers.

Maglalaan na rin ng special lanes para sa vaccination centers ang mga nasa A1, A2 o mga senior citizens at A3 o may mga comorbidities.

Ayon kay Roque, maaring bigyang prayoridad ng local government units ang mga nasa A4 na nasa edad 40 hanggang 59.