Manny, Jinkee mas gustong mag-showbiz si Jimuel kesa maging boksingero

AMINADO ang Star Magic talent na si Jimuel Pacquiao na mas gusto ng parents niyang sina Sen. Manny at Jinkee Pacquiao na mag-showbiz siya kesa maging boksingero tulad ng ama.

Ayon sa binata, never niyang na-imagine noong bata pa siya na magiging bahagi siya ng entertainment industry para maging artista.

Kahapon, pormal nang ni-launch ang anak nina Manny at Jinkee bilang bagong miyembro ng grupong Squad Plus ng Star Magic at ABS-CBN.

“At first, I never thought of myself as an actor. But then, there are lots of offers here and there. They always say na when you are young, always try everything.

“So naisipan ko na subukan kasi even in high school I had experience din naman when it comes to acting so I want to give it a try and see how it goes from here,” pahayag ni Jimuel sa Squad Plus media launch.

Natanong din ang binata kung ano ang naging reaksyon ng kanyang mga magulang nang magdesisyon siyang pasukin ang mundo ng showbiz.

“They’re very supportive naman kasi kung papapiliin sila, showbiz or boxing, siyempre du’n sila sa showbiz kasi ayaw nila akong mag-boxing.

“When it comes to showbiz, they’re very supportive naman. They made sure in the beginning na I really wanted to go in kasi it’s very taxing daw schedule-wise. So parang tinanong nila talaga ako bago ako pumasok,” paliwanag ni Jimuel.

Aniya pa, medyo nasanay na rin daw siya sa mga tsismis at intriga na kakambal na ng pagiging celebrity dahil nga sa kasikatan ng kanyang tatay na isang boxing champ bukod pa sa pagiging senador nito.

“Medyo sanay na ako ngayon kasi ever since kahit nung maliit pa kami, grabe na yung attention sa dad ko. Every time he has his fights, nasasali kami sa mga interviews, ganu’n.

“And marami ding nagko-comment on social media about us. So siguro I’m used to it na. I try to parang balance it out, what I show to people.

“Meron pa rin naman akong private life. Like I know what not to show to people and stuff like that. I think it’s because I’m used to it na ngayon since maliit pa kami,” lahad pa ng binata.

Hindi rin nagkukulang ang kanyang parents sa pagbibigay ng advice sa kanya ngayong nasa showbiz na rin siya, “Yung pinakaimportante talaga is with God talaga. Always glorify God in everything that you do because everything will just follow.

“So if you focus on God and always focus on glorifying him in everything, susunod na lang lahat. Yun po yung lagi nilang sinasabi sa akin. Yung advice nila is always be passionate and always follow God and everything will follow,” aniya.

Samantala, mukhang hindi pa type ni Jimuel ang magkaroon ng ka-loveteam sa kanyang mga gagawing projects sa ABS-CBN.

“Sa ngayon siguro when it comes to love teams, it’s not really like one of the things na pinaka gusto ko, pero I’m willing to be versatile naman and I’m just waiting for opportunities sa ngayon.

“First, I still have a lot to work on and I’m still a newbie here so easy start muna and then work myself up. I think that’s the plan,” pag-amin pa ng anak ni Pacquiao.