Cassy totoong kinikilig kay JD: I need a break, nasaan iyong tubig ko…I can’t!

ABANGERS na ang fans nina Cassy Legaspi at Joaquin “JD” Domagoso sa unang pagtatambal nila sa pinakabagong Kapuso primetime series na “First Yaya.”

Ngayon pa lang ay excited na ang manonood sa bagong tambalang binuo ng GMA 7 na magpapasabog ng kilig gabi-gabi sa Telebabad block.

Sa nakaraang mediacon ng “First Yaya”, nabanggit nina Cassy at JD na dahil sa kanilang lock-in taping ay mas nakikilala pa nila ang personalidad ng isa’t isa.

Chika ng anak nina nina Carmina Villarroel at Zoren Legaspi, talagang na-feel daw niya ang kilig sa loveteam nila ni JD kahit sa rehearsals pa lang ng kanilang mga eksena.

“We were already paired since Studio 7 and then All-Out Sundays pero sayaw-sayaw lang iyon.

“Even sa rehearsals, people kept saying, ‘Ay, may chemistry tong dalawa,’ and they always tease us, and, for some reason, I get kilig din because di ko alam kung bakit.

“May lines, may emotion, may ganoon and I think makikita niyo ito, but when we get kilig, it’s real.

“May isang scene na, ‘Oh my gosh’ we were super-kilig pag-cut. Pag-cut, sabi ko, ‘I need a break, nasaan iyong tubig ko…I can’t!'” natatawang sey ni Cassy.

Sabi naman ng binatang anak ni Manila Mayor Isko Moreno, “Makikita naman talaga sa attitude ni Cassy na she could really vibe with everybody. As soon as nag-uusap na kami, I got more chill, ang friendly niya na tao. She’s so welcoming, so kind, so loving to everybody.”

Sa tanong naman kung anu-anong mga qualities ang nagustuhan nila sa isa’t isa, sagot ni Cassy, “The first time I saw JD was at a rehearsal with Studio 7. At first, I was interested in him.

“When I got to know him, he is more than what meets the eye. JD is a very deep-thinking person, and he could be serious when he wants to be serious. And that is what I like about him.

“Actually I don’t know if JD knows. Parang, he doesn’t know this, e. We’re in the same standby area, so sometimes wala lang, I check kung okay ba siya? And I ask kung kumain na ba si JD?” aniya pa.

Para naman kay JD, “I know when Cassy is in a good mood, obvious kay Cassy. Si Cassy, easy book lang siya. Kung sad siya, sad siya, pero kung happy siya talagang she’s giggling, she’s always smiling.”

Nagpasalamat din ang dalawang bagets sa mga sumusuporta sa kanila at sa lahat ng CassQuin. In fairness, may mga social-media accounts na ring ginawa ang kanilang supporters.

“I love it, kasi may mga nakita akong TikTok na montage po, puro pictures namin. Iyong nakuha nila from production. Parang ang ganda ng mga gawa nila, nakikilig talaga sa amin. Which is good, and I love that,” ani JD.

“Whatever makes them happy. Parang, it is also touching to know that JD and I make people happy, na there is nothing fake. We genuinely love each other’s company,” chika naman ni Cassy.

Mapapanood na ngayong Lunes ang “First Yaya,” sa GMA Telebabad na pinagbibidahan din nina Gabby Concepcion at Sanya Lopez, sa direksyon ni LA Madrilejos.