Sheryn Regis umiiyak na nag-sorry sa anak na nasa US: I know I’m not a perfect mom…

TODO ang paghingi ng sorry ni Sheryn Regis sa kanyang anak na si Lourdes “Sweetie” Echiverri na magse-celebrate na ng kanyang 18th birhday next month.

Hindi kasi makakapunta ang OPM artist sa debut ng anak na gaganapin sa Houston, Texas, USA dahil pa rin sa patuloy na banta ng COVID-19 pandemic sa buong mundo.

Siyempre, masakit para kay Sheryn na hindi makapiling ang kanyang dalagang anak sa pinakaespesyal na araw nito ngayong taon.

“Ngayon na nandito ako sa Pilipinas, it’s really hard na malayo sa anak. Eighteen na siya this coming February 11 at wala ako.

“It’s too risky for me kasi feeling ko hindi ako ganyan ka-strong sa katawan.

“Yung stopover namin kailangan dalawa talaga before makarating ng Houston, Texas kaya ganoon. So ang hirap,” emosyonal na kuwento ni Sheryn sa nakaraang episode ng “Magandang Buhay”.

Nakausap ng singer ang kanyang anak via Zoom call at habang nagbibigay ng mensahe ay hindi na niya napigilan ang maluha nang sabihin nga niya na absent muna siya kanyang 18th birthday celebration.

“I’m so sorry, Sweet, I won’t be there. Thank you for understanding. Kung ibang anak ito, ‘Mommy, it’s my 18th birthday and you are not here.’

“She said na, ‘Mommy, it’s fine, it’s fine. I don’t want you to risk your health or whatever.’ Naiintindihan niya ako,” pagbabahagi pa ni Sheryn.

Mensahe pa niya sa anak, “Sweetie, I know I’m not a perfect mom, I’m not always there for you. But always remember that I’m here. It’s really hard for me to be here and you are there and we can not even talk as in like for 24 hours.

“I can not do that because we have a different time zone but I still understand and you understand me, thank you,” sabi pa ng biriterang singer.

Ito naman ang sagot sa kanya ni Sweetie, “It’s okay. There are going to be many more days that you are going to be here with me.”

Kung matatandaan, sumailalim sa operasyon noong 2016 si Sheryn dahil sa thyroid cancer. At abot-langit ang pasasalamat niya sa Diyos dahip cancer-free na siya ngayon.

Inamin niya sa isang panayam na talagang natakot siya na baka tuluyan na siyang hindi makakanta dahil sa kanyang sakit, “Because I knew surgery could affect my voice. There’s a patient who had undergone the same procedure and still had no voice even after six months.

“And mine was cancerous so I didn’t care anymore kung mawala ang boses ko as long as I continue to live.

“Buhay ko ang pagkanta so after a month or three weeks, kumanta ako for Sto. Nino. I firmly believed that I would be healed,” pahayag pa ni Sheryn Regis.