Rocco Nacino, Melissa Gohing nagpakasal sa naval warship: Yes, we did…
DALAWANG buwan makalipas ang kanilang bonggang engagement, nagpakasal na rin ang Kapuso actor na si Rocco Nacino at professional volleyball player na si Melissa Gohing.
Naganap ang kanilang “military wedding” kahapon, Jan. 21, sa Pier 13 ng South Harbor sa Manila. Nagpalitan ng “I Dos” ang bagong kasal habang sakay ng naval warship BRP Davao del Sur LD602.
Miyembro ng Philippine Navy Reserve Command and Naval Special Operations Group (NAVSOG) si Rocco. Nanumpa siya noong nakaraang taon bilang Petty Officer (PO) 3rd Class ng Philippine Navy kasabay ng pagiging aktibo sa mga outreach programs at relief operations.
Bilang lamang ang nga dumalo sa kasalan kabilang na ang pamilya nina Rocco at Melissa, mga malalapit na kaibigan at ilang Navy officers bilang pagsunod pa rin sa ipinatutupad na health and safety protocols.
Nasaksihan pa rin naman ng mga kapamilya, kaibigan at mga tagasuporta ng dalawa ang kanilang intimate wedding sa pamamagitan ng Zoom video conference.
Sa kanyang Instagram account ngayong umaga, ipinost ni Rocco ang ilang wedding photo nila ni Melissa na may caption na, “Yes… we… did… (wedding ring emoji). Meet my wife, Mrs. Melissa Gohing Nacino.”
Bumaha naman ng mga pagbati sa IG post ng Kapuso actor mula sa mga kaibigan nila ni Melissa sa showbiz at mga social media supporters, kabilang na sina Dingdong Dantes, Camille Prats, Ruru Madrid, Rodjun Cruz, Gabby Eigenmann, Andre Paras at marami pang iba.
Kung matatandaan, parehong naging emosyonal sina Rocco at Melissa sa kanilang engagement.
Mensahe that time ng misis na ngayon ni Rocco, “It still feels surreal when I woke up. It was a dream come true!
“Walking along while my favorite Christian song was played by wonderful friends in saxophone & guitar (nicoletejedor & Mike), sunset proposal designed by one of the best (@gideonhermosa), Zoom watch party with all of our friends, teammates, coaches & families, covered by one of the best (@niceprintphoto ), and a dinner with both of our immediate families.
“But mostly, the man that I prayed for a long time proposed to me with my dream ring by @sepvergara_finejewelry. May God be the center of our lives always.”
Sabi naman ni Rocco, “When I remembered I had my phone in my pocket during this memorable moment! Post luhod selfie with @gohingmelissa! I love you Forever.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.