Maymay, Edward super na-miss ang isa’t isa; muling magpapakilig sa ‘Princess DayaReese’
SOBRANG na-miss ng Kapamilya loveteam na sina Maymay Entrata at Edward Barber ang isa’t isa.
Iyan ang inamin nila nang humarap kamakailan sa members ng entertainment media sa ginanap na virtual presscon para sa pelikula nilang “Princess DayaReese”.
Ito ang magsisilbing reunion movie ng tambalang MayWard na mapapanood na sa Enero 1, 2021 bilang opening salvo ng Star Cinema mula sa direksyon ni Barry Gonzalez.
Ayon kay Maymay, “Na-miss ko na nagsusuportahan kami, kung paano pagandahin ‘yung eksena at na-miss ko makipaglaro sa kanya kapag naglalaro sila ng mobile legends.”
“Si Maymay yata na-miss ‘yun pero ako hindi, ang bigat niya sa ML (mobile legends),’’ sabi naman ni Edward.
“Sa kabila po yata ng mga nangyayari (since 2016) isang hindi nagbago sa kanya ‘yung pagiging maalalahanin niya.
“Napi-feel ko na hanggang ngayon importante pa rin ako sa kanya. Isa yun sa pinasasalamatan ko na nandiyan lang siya lagi. One-call away siya talaga kapag may problema ako. Bihira ka na rin kasing makahanap ng ganu’n,” sabi naman ng dalaga.
Sabi naman ng binata, “The thing I missed about her was just the ‘bright person’ that she is Maymay has this aura, that atmosphere that she brings with her.
“I can compare it to kapag malamig tapos may hot choco ka, ayun, you know the feeling that Maymay brings in the set.
“One thing pa na I’m thankful for Maymay is let’s just say everyone gets the free sample of the amazing person that she is, but very few got access to the ‘care’ that she brings it’s not just work, she’s a special person not just on cam but off,” paliwanag pa ni Edward.
Ang “Princess DayaReese” nga ang magsisilbing reunion movie nina Maymay at Edward pagkatapos ng “Loving in Tandem” (2017) at “Fantastica” (2018) at mapapanood ito sa KTX.ph, iWant TFC, TFC, Sky Cable PPV, and Cignal PPV, and on selected cinemas nationwide.
Bukod sa MayWard, kasama rin dito sina Snooky Serna, Epy Quizon, Pepe Herrera, Chie Filomeno, Alora Sasam, Iggy Boy Flores, Neil Coleta, CJ Salonga, Gold Azeron, Christine Samson, Takuhei Kaneko, Big Mac Andaya at Miko Penaloza.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.