Alex 2 weeks bawal magsalita: So, help me God! Ang hirap na challenge!

ANO nga kaya ang tunay na nangyari sa lalamunan ng TV host-vlogger na si Alex Gonzaga?

Nagpa-check-up kasi ang sister ni Toni Gonzaga recently at base sa findings ng doktor, kailangan muna niyang ipahinga ang kanyang throat.

Pinayuhan daw siya na huwag munang magsalita nang bonggang-bongga habang hindi siya nagtatrabaho o kung hindi naman kailangan.

“Went to the doctor for my throat. Less talk less mistake na dapat ang aking life quote. Ang hirap ng no talking,” ang ibinalita ni Alex sa kanyang social media followers.

Ayon pa sa kanyang doktor, dalawang linggo ang kailangan niyang palipasin bago tuluyang bumuti ang kundisyon ng kanyang lalamunan.

“For the next 2 weeks I am told by my doctor not to talk if I’m not on stage or working.

“So if you see me doing hand gesture and writing something to the people around me pls don’t judge me,” pahayag pa ng dalaga.

Hirit pa ni Alex, kung kakayanin pa raw niya, huwag na huwag muna niyang itodo ang pagsasalita at iwasan na ang pagsigaw-sigaw lalo na ngayong Christmas break.

“During my Christmas break I am required not to talk at all. So, help me God! Ang hirap na challenge,” chika pa ng sikat na YouTuber.

Sa isa namang Instagram Story, sinab ni Alex na talagang kailangan niyang sundin ang utos ng kanyang doktor para mas mapabilis ang pagbuti ng kundisyon ng lalamunan niya.

Kaya naman sa ngayon, nakikipag-usap daw siya sa kanyang pamilya at sa ibang tao gamit ang isang mini whiteboard.

Hindi naman nabanggit ng TV host-actress kung ano ang nangyari sa kanyang lalamunan. May nagkomento naman na baka raw overused na ang throat ni Alex kaya bumigay na ito.