LJ pumayag nang lumabas kasama si Paolo, 2 anak: Ayoko nang mabuhay sa takot

SA wakas natuloy na rin ang plano ng Kapuso couple na sina LJ Reyes at Paolo Contis na mag-staycation kasama ang kanilang mga anak.

Sa latest vlog ni LJ, ipinakita niya kung paano nila in-enjoy ni Paolo ang kanilang short vacation with their kida Aki and Summer sa gitna pa rin ng banta ng pandemya sa bansa.

“We’re here to have a quick vacation with the family,” ang simulang kuwento ng Kapuso actress sa kanyang docu vlog.

“Nagkaroon kami ng short vacation just to break the pandemic fatigue. We stayed at a place na safe kami with our family and Paolo’s family,” pagpapatuloy pa niya.

Ipinakita ni LJ sa kanyang mga subscribers sa YouTube ang bahay na nirentahan nila (sa labas ng Manila) para sa kanilang bakasyon. Meron itong garden, swimming pool with jacuzzi at  kitchen.

“We decided to go on this mini trip kasi naisip namin we haven’t seen our family for the whole pandemic time and it’s a good way to get some fresh air. Sobrang happy kami na we found a really nice house,” pahayag pa ni LJ.

Sabi pa ng aktres, napagdesisyunan nila ni Paolo na lumabas muna ng Maynila para na rin sa kanilang mga anak na halos isang taon na ring “nakakulong” sa bahay dahil sa community quarantine.

Isa rin daw ito sa paraan nila para maka-adapt sa new normal pero siyempre dumaan din sila sa proseso bilang pagsunod sa safety protocols dahil sa patuloy na banta ng COVID-19 pandemic.

“One of the reasons why I wanted to go out and take this vacation is I don’t want to live in fear anymore.

“I want to slowly start to learn how to live with this pandemic.

“I think this is the best way to do it, basta safe lang. Always be careful, always wash your hands, wear masks.

Sana lahat tayo mag ingat pa rin from all the threats we have now,” paliwanag pa ni LJ Reyes.