Jessy rumesbak sa basher na nagsabing, ‘Ba’t ganu’n ang tiyan niya, parang nanganak na?’

MAIKLI pero tagos na tagos sa laman ang naging resbak ni Jessy Mendiola sa isang netizen na nang-okray sa kanyang tiyan.

Kalmadong sinagot ng aktres ang basher na nag-comment ng panglalait sa isang litratong ipinost niya recently sa Instagram.

Ayon sa laiterang basher, “Bat ganun ung tyan nya… parang nanganak na.” Na sinagot naman ni Jessy ng, “Naku sana nga ganyan itsura ng tyan ko kapag nanganak ako,” gamit ang hashtag na #notobodyshaming.

Maraming netizens ang nagtanggol kay Jessy at bumilib sa paraan niya ng pambabasag sa nasabing bodyshamer.

Ilan naman ang nagsabing isa si Jessy sa pinakaseksi ngayon sa showbiz not to mention the fact na super kinis at flawless pa ang girlfriend ni Luis Manzano.

Kung matatandaan, talagang kinarir ni Jessy ang pagpapapayat para na rin sa kanyang sarili sa gitna ng mga natatanggap niya noong panglalait mula sa bodyshamers.

“My whole life I’ve been in a constant battle with myself. I’ve always doubted what I could do. I was afraid of change.

“I couldn’t see my worth and how important I was in this life. Every little comment or opinion of others about me affected me like I was defined by how people thought of me,” pag-amin ng dalaga sa kanyang mga pinagdaanan.

Dagdag pa niya, “I was afraid to do so many things that made me happy because I was worried that others would judge me.

“I’ve let myself become someone else, all those years I kept hating myself for always giving so much to other people that I kept forgetting how to love myself,” saad pa ng aktres.
Sa isang post naman ni Jessy sa Instagram Stories, niresbakan din niya ang mga taong ayaw tumigil sa pang-ookray sa kanyang katawan.

“Nu’ng malaman ako, dami niyo sinasabi. Ngayon na pumayat ako, dami niyo din sinasabi. Proud ako makalose ng 27lbs, ok lang? Masama ba?

“Sa mga nega dyan, kalma kayo. Exercise din kayo para sumaya naman kayo, kailangan niyo ng endorphins eh,” hirit pa niya.