GMA, MTRCB hinamon: Ipakita nang harapan ang matitinding halikan nina TOM at DENNIS!

O, ito na, para sa mga hindi na makapaghintay sa mga magaganap na eksena next week sa My Husband’s Lover: Aamin na si Sandra (Glydel Mercado) kay Evelyn (Karel Marquez) tungkol sa kanyang sikreto—na agad ipaaalam ni Evelyn sa kapatid na si Lally (Carla Abellana).

Pero magagalit si Sandra sa pakikialam ng mga anak sa pagbalik ng mga ito sa buhay na tinalikuran na niya. Babalikan naman ni Vincent (Tom Rodriguez) si Eric (Dennis Trillo) para sabihing ginagawa na niya ang lahat para ipaglaban ang pagmamahalan nilang dalawa.

Pero si Sol (Chanda Romero) naman ang makalalaban nito—dahil hindi na siya papayag na saktan muli ni Vincent ang anak niya—at ang pamilya nito.

Lalayo naman si Armando (Roi Vinzon) sa bahay niya para ayusin ang buhay niya, para remedyuhan ang pagiging bakla ng anak.

Samantala, haharapin ni Eric si Vincent para alamin kung bakit nito binili ang condo unit ng una. Ipagpapatuloy ni Vincent ang pagsuyo sa dating kasintahan, pero titikisin siya ni Eric—ipaaalala na bukod kay Lally at sa mga magulang nito, ay may mga bata ring maaapektuhan sa ginagawa niya.

Magpapaalam naman na si Lally kay Sandra sa pagbukod nila ng mga anak, at sa pagkupkop niya kay Galo (Mark Gil), ang amang nagbalik matapos ang matagal na panahon. Pero maiintindihan ba ng ina ang ginawa niya para sa ama?

Magagalit naman si Sol sa ginawang pakikipagkita ni Eric kay Vincent—lalo pa’t may Martin (Rodjun Cruz) nang masasaktan ang anak.

Alamin din kung ano ang nabuong plano ni Armando para gawing lalaki si Vincent. Hindi n’yo ito kakayanin! Napapanood pa rin ang My Husband’s Lover, Lunes hanggang Biyernes pagkatapos ng Mundo Mo’y Akin sa GMA Telebabad.

Samantala, may reklamo ang ilang viewers ng serye, bakit daw hindi pa rin ipinapakita sa manonood ang paghahalikan nina Tom at Dennis?

Masyado naman daw nagpapaka-safe ang GMA. Sana raw sa mga susunod na episode, bonggang-bongga nang ipakita ang paglalapat ng kanilang mga labi, hindi puro patalikod ang kuha! Ha-hahaha!

( Photo credit to Google )