Tom naputulan ng internet, nagbabayad pala sa maling account number
NAPUTULAN ng internet service si Tom Rodriguez kahit nagbabayad naman siya sa tamang oras.
Alam naman nating lahat kung gaano kahalaga ngayong panahon ng pandemya ang internet at data service sa bawat Pinoy, lalo na yung mga naka-work from home.
Kaya naman nabahala ang Kapuso hunk na si Tom nang mawalan siya ng internet connection sa bahay kamakailan.
Ngunit nadiskubre ng boyfriend ni Carla Abellana ang tunay na dahilan kung bakit bigla na lang naputol ang kanilang internet service.
Sa kanyang Instagram page, ibinahagi ng binata na maling billing statement pala ang natatanggap niya kaya ang ibinabayad niya ay napupunta pala sa maling account number.
“’Yung pakiramdam na wala kang internet ngayon kasi maling bill pala natatanggap mo sa text at internet ng iba binabayaran mo,” ang mensahe ni Tom sa kanyang IG Story with matching three laughing emojis.
Agad namang nagtungo ang Kapuso actor sa customer service center ng kanyang internet provider kung saan napasabak siya mahabang pila.
* * *
Tila match made in heaven talaga ang Kapuso actress na si Lovi Poe at boyfriend niyang si Montgomery Blencowe.
Ibinahagi ng “I Can See You” actress sa kanyang Instagram ang sweet na sweet na picture nila ng British movie producer na kuha mula sa kanilang first date.
Naging usap-usapan ang relasyon ng dalawa nang lumabas ang kanilang photo mula sa isang horse racing event na Royal Ascot sa United Kingdom taong 2019. September ng parehas na taon nang kinumpirma ni Lovi ang relasyon niya kay Montgomery.
Sa kasalukuyan ay long distance relationship muna ang dalawa. Hanga naman ang netizens sa katatagan ng kanilang relasyon, “Salute to this relationship kahit LDR. LDR isn’t that easy.”
Bago ang kanilang much-awaited reunion, bibida muna si Lovi sa pinakabagong drama anthology ng GMA 7 na “I Can See You: High Rise Lovers.” Makakasama rin dito sina Tom Rodriguez at Winwyn Marquez.
Kuwento ito ng married couple (Lovi at Tom) na may magkaibang pangarap sa buhay. Mas masusukat ang relasyon ng mag-asawa sa pagdating ng misteryosong babae na gagampanan ni Winwyn.
Mapapanood na ang “I Can See You: High Rise Lovers” simula Oct. 5 sa GMA Telebabad.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.