KC sinorpresa ni apl.de.ap: bonggang video message galing kay Shakira

SINORPRESA ng The Black Eyed Peas member na si apl.de.ap ang nali-link sa kanyang actress-singer na si KC Concepcion.

Dahil aminadong super fan si KC ng international artist na si Shakira, nag-effort si apl.de.ap para mabigyan siya ng video message mula sa sikat na Colombian singer.

Ibinandera ni KC sa Instagram ang nasabing video message ni Shakira kung saan tinawag pa niya si apl.de.ap bilang “little birdie.”

Bukod sa pagpapasalamat ng Latina superstar kay KC ay binati rin nito ang dalaga sa kanyang YouTube cooking series na “Kitchen Collabs”.

Ani Shakira kay KC, “Hey, KC! A little birdie told me that you like my music. Thank you so much.

“I wanted to say hi and congratulations on your new show, your new cooking show. I hope it goes really well and I wish you the best of luck,” mensahe pa ng international artist kay KC with matching flying kiss.

Ito naman ang message ng anak ni Megastar Sharon Cuneta sa kanyang idol, “Thank you for supporting my newfound quarantine passion, my fitspiration, immortal powerhouse woman, @shakira!”

Aniya pa, “Omg her Super Bowl performance was [hundred percent symbol, smiling face with three hearts emojis] and can’t wait for her new single Girl Like Me to drop alongside my @bep bros.”

Nagpasalamat din ang dalaga kay apl.de.ap na tinawag niyang “good friend”, “S/O to my good friend @apldeap for this surprise.”

Samantala, ang tinutukoy na “Girl Like Me” ni KC ay ang bagong collaboration ni Shakira at ng Black Eyed Peas. Kasama ito sa bagong album ng grupo na “Translation.”

Ang paniwala ng mga followers ni KC sa IG, posibleng nag-request si apl.de.ap kay Shakira ng video message para kay KC habang ginagawa nila ang “Girl Like Me”.