Coleen feeling ‘superwoman’ uli 1 linggo matapos manganak; napraning nang magka-rashes ang baby

MAKALIPAS lang ang isang linggo, feeling “strong” at handa na uli sa anumang laban ng buhay ang bagong panganak na si Coleen Garcia.

Aminado ang Kapamilya actress na matindi ang kanyang pinagdaanan sa loob ng siyam na buwan hanggang sa maisilang ang panganay nila ni Billy Crawford na si Baby Amari.

Nag-post ng mirror selfie photo si Coleen sa Instagram para ipaalam sa madlang pipol na okay na okay na uli siya at ready na uling sumabak sa mga bagong hamon bilang ina at asawa.

“Fully-recovered and up on my feet! Feeling a different kind of #strong now,” ang mensaheng ipinost niya sa Instagram Stories.

Dagdag pa niya, “My body has been through a lot in the past few months and I’ve never had this much love and respect for it!

“It’s been an incredible journey of self-love and acceptance,” aniya pa.

Marami naman ang nag-comment na parang hindi nanganak ang misis ni Billy dahil ang seksi pa rin nito. Bumilib din sila sa bilis ng pag-recover niya sa panganganak.

Samantala, kamakailan lang ay nag-panic si Coleen nang magka-rashes sa mukha ang anak, “I just want to sharen. After a couple of days, he started to get rashes and of course, I got so praning.

“I showed them to our midwife, OB-GYN, and pediatrician, and they all said it’s completely normal and that they go away on their own after some time.

“But, I felt sorry for him. So, I put my breastmilk all over his face (except his eyes) then everything disappeared, except for the rashes sa eyes! Then I started spreading my milk on his eyes as well,” kuwento pa ni Coleen sa kanyang IG post.