Ridership ng Libreng Sakay DOTr sa health workers, nasa 1.3M
Photo courtesy of Department of Transportation
Umabot na sa mahigit 1.3 milyon ang bilang ng health workers na naserbisyuhan ng programang “Libreng Sakay” ng Department of Transportation (DOTr).
Sa datos ng kagawaran hanggang July 24, nasa kabuuang 1,383,178 health workers ang ridership ng programa.
Sa nasabing bilang, 405,895 ang total ridership sa National Capital Region-Greater Manila habang 977,283 naman sa iba pang rehiyon.
Sa datos naman ng Road Sector, umabot na sa 115 vehicle units ang naka-deploy para sa libreng sakay program hanggang July 24.
Katuwang ng DOTr sa naturang programa ang Land Transportation Office (LTO) at Land Transportation Franchising and Regulatory Board (LTFRB).
Katuwang din ng DOTr ang oil companies, tulad ng Phoenix Petroleum, CleanFuel, at Petron, sa pagbibigay ng fuel subsidy sa transport companies na kasama sa programa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.