ARESTADO ang 42-anyos na lalaki na nahulihan umano ng P102,000 halaga ng shabu at dalawang hindi rehistradong airsoft rifle sa Quezon City.
Bukod kay Niño Asuncion, 42, inaresto rin ng pulisya ang katulong na si Jhonalyn Hermilao, 24, na tinangka umanong pigilan ang mga pulis sa pag-aresto sa drug suspect.
Nakabili umano ng P5,500 halaga ng shabu ang poseur buyer sa suspek alas-7:30 kagabi sa Blk 67 Lot 13 Frank St., Brgy. North Fairview.
Hinarangan umano ni Hermilan ang mga pulis na huhuli kay Asuncion kaya maging siya ay inaresto.
Nakuhanan umano ang suspek ng 15 gramo ng shabu at dalawang airsoft rifle at dalawang cellphone.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.